鬼
鬼
有人話如果圍埋一齊講鬼故,千祈唔好輪住講,因為鬼係好鐘意聽鬼故,聽聽下仲會講埋鬼故比你聽。好似Tess同三個朋友一齊去東堤玩時,就曾經被鬼偷聽佢o地講鬼故。
當時佢地以非常平o既價錢向東堤租左一間只有一個房間既度假屋住。玩到深夜兩三點時,其中一個朋友Tracy建議講鬼故:「圍埋一齊講鬼故啦!冇咁驚呀!」
於是四個人就圍成一個圓圈講鬼故,將所有燈熄晒,只係開著一個電筒。大家越講越驚,一個講紅衣女鬼、另一講炭燒凶靈、一個就講張保仔鬼魂,仲有人講長洲大屋紅梅怪事……
「咪住!」
「Tracy你明明未講o架?但係點解會有四個故仔[?邊個講多左一個呀?」
大家你望我我望你,講過鬼故個三個都擰頭話冇講多。不過大家突然發覺就o係Tracy同Tess中間竟然坐多左個陌生人,佢慢慢咁舉手話:「燒炭個鬼故我講架!故事個主角都係我!」嚇到四個女仔鞋都著唔切就衝出碼頭,坐到天光先敢叫房東幫佢執野返香港,從此以後都唔敢再黎長洲。
|