口語]★[[藍風中學愛情傳<_+。

「死女包!起身啦!第一日返學就想遲到呀!」

講完之後,個個女人就一隻鍋蓋「車」過黎...

無錯!!個個女人就係我呀媽!

可能你都覺得佢叫我起身既方法有d「特別」

但係,呢個係我唯一一個可以叫醒我既方法,

因為我比其他人既感應力強...- -+

「死女包!仲唔落黎!」

「okok!我好快就黎> <"」

我叫子怡,今年15歲,讀中三

我屋企一共有4個人,就係我,呀媽,呀爸同我呀哥

我地屋企係開道場既。

今日係我第一次返藍風中學,

因為我之前既一d事,所以我比其他人遲左1個月返學...

「死女!快d出門口啦!就8點啦!」

「死啦死啦!我就遲到啦!我返學啦!呀媽88!」

於是,我又咬住件多士咁跑返學校...

「沙---」

突然有部車係我身邊經過,

仲搞到我成身污垢水...=口=|||

「停車!!!\口/"」

子怡見到部車慢慢停低,

立即走上前,諗住鬧佢...

之後車門上既玻璃慢慢降下...

「你...」

子怡正諗住開口鬧佢既時候,個男仔已經出聲先

「錢,比你買過件校服,唔好再煩我。」

講完個男仔就開車走

子怡呆左一呆,醒返既時候,

個男仔坐住部車已經走到好遠...

「可惡!死人頭!居然睇唔起我!我一定記住你!」

於是子怡又諗起

「死!遲大到啦!」

跟住就即刻跑返學校...

-----------------------------------------------------------
去到班房外,

真係好鬼嘈呀!band5中學真係band5

一入到去o晒嘴=o=

傾計、食煙、食早餐、零食、玩啤牌...連打麻雀都有☉口☉"仲叫緊「十三腰」tim

「各位同學,佢係新轉黎3B班既子怡同學」

「大家好!我叫子怡,多多指教!^ ^"」

但好無奈地...係冇人理我既...

老師都唔理,只係叫我地自修,講完就急急腳咁走左,

連我坐邊都冇講-△-"

維有是但坐既一邊...

有一班男仔走過黎...

「hihi~我叫呀雄呀~」

「hi...」

「靚女!一齊玩啦~」

第二個男仔又講

「唔啦...你慢慢啦...-__-"」

「黎啦!一齊啦!」

跟住個男仔拉住佢隻手...

點知子怡一個反射動作---一拳打過去!

「On My 吉 ☉口☉"!!死啦!又唔小心出左招tim!我平凡既校園生活冇啦!」

子怡傷心咁講,

其他人望住子怡同比佢一拳打到暈左個個人呆左...

子怡開始諗

「呢個時候我係咪應該走佬呢?- -"」

正當子怡諗住偷偷地離開課室既時侯...

「呀!佢走佬呀!」

居然比一個女仔發現左!

冇辦法!呢個時候維有---跑呀>口<"!!!!

於是子怡比成班同學追住...

只有一個男仔仲係班房訓覺...

黎到天台,應該冇事啦掛!成班人都傻傻地既!」

子怡走左上天台

突然,有d聲...

「唔好啦...會有人黎嫁」

個女仔把聲好姣,完全唔似反抗咁...

「唔緊要...有人黎我打到佢出唔到聲,黎!比我咀」

子怡唔想再聽人地講野,所以諗住走,點知...

子怡一轉身一野撞左落條水管度,

仲坐左落地下

「呀!點會有條水管嫁!好痛呀!會唔會傻左嫁!?」

摸住自己個頭既子怡不停咁講,

都唔個個男仔企左係自己身邊...

個男仔一野拉左佢上黎

「呀!咪拉住我!」

個男仔開聲問

「你做咩係度?」

「哦!你係今日早上累我遲到個死人頭!」

個男仔開始唔耐煩

「我再問多次!你做咩係度!」

「我...」講講下,子怡諗起頭先佢話

"有人黎我打到佢出唔到聲"既呢句話...

「其實...係小叮噹!!> < 」

兩個人都o晒嘴...

個男仔左問

「小叮噹!?」

子怡現在先知自己講左一個好白痴既大話,

但維有講落去...

「其實...我係叫小叮噹帶我去月球,但...唔知點解去左呢度!

既然冇野我去先啦~88!」

小叮噹...☉o☉"唔係!係子怡!一講完就即刻想走佬

點知比個男仔拉住,

子怡又一個反射動作---180度轉身飛腳踢過去

一野踢中左佢「男人最重要既野」

而子怡知道自己又做錯野,為左保命

好快咁跑走左...

係班上,子怡識左個女仔,叫小月

小月係一個好靜既女仔,

小月仲講左好多班上既事比佢聽...

而令子怡呆左既事就係...

子怡今日"野踢中左佢「男人最重要既野」"個個人,

原本係班上既大佬,

叫呀狼...哈哈~果然係禽獸‵▽′

等等!!☉.☉現在唔係笑既時候!

呢個禽獸...唔係!係呀狼!佢係理事長既仔,又係班上既大佬,

人又生得靚仔,又有錢,係所有女仔既白馬王子!

但係...我仲一野踢中左佢「男人最重要既野」

我諗...我既將來係一片灰暗...唉...╯口╰"

終...終於放學啦>o<!

快d返屋企,唔好再比d人煩...

出到校門...

呀!死啦!又係個個呀狼=口="

即刻用個袋遮住走人!!

...- -+哈哈!十分成功左到校門

但...點解...好似有d野...拉住我既...

唔通...有鬼!!☉o☉"""

「有鬼呀!!help me!唔好呀~對唔住呀~唔好拉我呀!」

「哈哈哈~」

☉.☉!?有人笑既!?

原...原本拉我個個係佢!

鳴...好丟臉呀>口<"

「小叮噹!日光日白點會有鬼呀!?」

「...-3-我唔係小叮噹,你認錯啦,88」

「我記得...今日踢左我一腳個個...係你。」

呀狼一直拉住子怡隻手,唔比佢走

「呵...呵...╯▽╰你...你一定記錯啦...」

「既然...你踢左我一腳,咁係咪應該比返d補償我呢?」

嘩嘩☉口☉!!呢個禽獸做咩奸笑!

「哈哈...你...你真係識講笑!我又唔係買保險,比咩補償你呀!」

「一個kiss。」

「下!」

唔等子怡回應,呀狼已經咀左落去

「你...你頭先做咩呀!」子怡塊面紅到蕃茄咁

「kiss囉!」呀狼仲係奸笑

「做咩...做咩咀我」子怡塊面紅到就爆炸

「玩下你係咋,想黎多個呀?」

「-口-"玩!?我個初吻...」

「原本係初吻!哈哈」

「你死定啦\口/"」

講完之後,子怡將佢生平所識既功夫洗晒出黎

江湖...又一場腥風血雨...

呀狼打交好叻,冇咩人贏得過佢

但佢今日激嬲左子怡

令子怡發火,

所以呀狼唔多唔少都比佢打左幾拳...

「你好野!今日呢幾拳我一定會記住」

「=▽=呵呵呵~輸既人講黎講去都得呢句」

「你...!!」

「算啦~本小姐今日放你一馬啦~呵呵呵-▽-」

哈哈~發洩完特別開心~

「聽日你就死!」

「等聽日先算啦~」

好快到左聽日啦...＞︿＜

「死啦...入唔入去好呢...」

子怡不停課室門口轉黎轉去

「死就死啦!!」

於是子怡開左門,仲大嗌

「各位同學早晨>口<~~!!」

全場即刻一片寧靜....

所有人望住佢....

跟住佢望到小月對全自己做口形

「快.d.走.呀!」

子怡即刻知咩事

「哈哈^_^"""...我入錯課室,打擾啦~再見」

子怡一講完即刻180度轉身跑走...

「咪走呀!追!」

琴日比佢一拳打到暈左個個人大叫!

其他老師見到佢地係度跑,個個呆晒(3b班一向冇人理)

仲問「3b班係度做晨跑呀!?」

無辜可憐既子怡,又開始晨跑...!!咳咳~我係話比人追

「-▽-哈哈!黎到天台冇人知啦」

突然,又有d聲...

「‾□‾又邊個黎!? 」

終是子怡睇下...

「狼哥,做咩叫佢地追住個個子怡?」

講野個個原本係琴日同子怡講野既呀雄

「好玩」

\口/(憤怒指數狂升)

好玩!?一講好玩搞到我比一追成日!?

「可惡!你個死禽獸!」

子怡終於忍唔住跳左出去

「哦!?係你呀?￣v￣」

跟住個呀狼仲即刻對住下面嗌

「喂!佢係度!」

「\_/...仲叫人tim!」

「哈哈~睇你點死」

子怡終於再一次忍唔住

90度飛拳打過去!!

之後再好快咁走佬。

可憐既呀狼比人打暈左...

好辛苦咁忍左一日,

終於返到屋企啦~

第一時間開icq搵呀風

呀風同子怡係icq識既,

呀風係個唔多出聲,好冷漠既男仔

但好出奇,子怡特別鍾意同佢講野,將一日發既事都講比佢知

呀風唔會回應佢好多野,但子怡知道,

佢係有去聽自己講野...

子怡:hihi~

呀風:hi

子怡:同你講ar~我今日又比一蝦啦＞△＜"鳴~

呀風:.......

子怡:今日$@#%&%*)*(%$@#$@!#@!$$#&*(*+(*&

呀風總係好耐性咁聽我講野,

係一個我可以對佢冇所不談既好朋友...

作者我為左幫大家了解人物性格,(其實係無聊)我用各位角飾做訪問...

子怡

我:@w@hihi!我黎同你做訪問嫁!

子怡:,死作者!有文唔作係度玩野!?

我:係小既錯...對唔住...> <(唔想比佢打)

子怡:有咩快d問啦!

我:@ @好好~你心中既理想男仔係點??

子怡:唔...好打過我(本故事無人做到)

可以保護我既(我:你都唔洗人保護啦@ @)

我:由於以上條件本故事無人做到,

在沒有男主角既情況下,本故事只好強行終結(開玩笑的...xd)

呀狼

我:hihi@w@我黎同你做訪問嫁!

呀狼:xyz!@#$!!!成日偷懶唔作故事,搞到我人氣大降,我想打你好耐!!

我:唔好呀> <(為左唔比人打,作者跑走左,做唔到訪問...)


呀風

我:...因為訪問對象訓左,做唔到訪問= =(呀風成日訓...)


子怡媽

我:伯母...(仲未講完)

子怡媽: (好惡)唔係伯母!係姐姐!!

我:對...對唔住...姐...姐姐,我今日黎做訪問嫁> <

子怡媽:真係@v@??我等左好耐啦~

自從第一集之後我再冇出場,d觀眾一定好掛住我~等我準備我既比堅尼相送比佢地先

我:下...伯...姐姐...咁訪問呢

子怡媽已經走左好遠...


做完咁多個訪問大家係唔係了解左人物唔少呢?(咁多個訪問問到既只係一條問題= =")

今日終於冇人煩我啦>﹏<

可能係佢地都追到累啦~

個禽獸都冇返(因為比佢打到隻眼黑左,所以冇返)

HAPPY~!!^﹏^

咦!?坐係我旁邊個個人...一直訓既=﹏=

☉口☉嘩!?冇啦啦彈起身既!嚇死人咩!

「唔好再望我!!」

個個人好冷淡咁講

☉.☉!!佢又知我望緊佢既!?

「hihi!我叫子怡呀~你呢?」

子怡仲係唔死心,繼續問佢

個個人望住子怡,好似諗緊野咁...

「喂喂~你叫咩呀?」

子怡見佢望住自己,繼續問佢

「呀風」

呀風...!?icq個呀風!?

冇可能,邊有咁橋!

呀風唔理佢,想繼續訓。

「喂喂...做個朋友啦...唔好訓住...」

呀風仲係唔理佢,繼續訓。

「喂喂...好啦...」

呀風仲係繼續訓。

「鳴...好啦T.T」

子怡出動扮喊

「好啦好啦!唔好喊!」

「ya!成功左!冇得反悔~呵呵>▽<」

奸計得程啦！！！成功~~~~~

子怡見成功左,即刻舉起v字手勢,露出一臉笑臉

「點解一定同我做朋友?」

「因為我覺得,同你做朋友一定好開心囉!呵呵≧﹏≦」

「......」

於是呀風好眼訓咁係咁聽佢講野

「八婆!係唔好再煩呀風啦!佢唔會鍾意你嫁!」

一睇就知係呀風既一班fans啦~

子怡一出課室就比佢地拉左去女廁

反正冇咩野做,就睇下佢地玩咩

「哦=﹏=~係咩!?你又知佢唔會鍾意我?」

子怡一臉慢條斯理咁,令人好想打佢-﹏-°

「我當然知啦!如果唔係你痴住佢佢會理你咩?」

「哦~係喎!講得好講得好￣▽￣!

但係你地...係佢既邊個,又係我既邊個呀?」

成班女仔冇人出聲

「既然係冇關係,你地最好少理閒事,

我同呀風係唔係好朋友都唔到你地管!

我唔係好得閒嫁咋!冇咁多時間同你地玩!」

子怡好大聲咁講!嚇到佢地冇人出聲

個班fans比佢激到塊臉紅哂

子怡想走,點知帶頭個個女仔仲拉住佢隻手

「唔走得!!」

「你有冇病呀!?」

「你地快d...快d拉住佢隻手」

「喂!呀風~我頭先見到你d FANS拉左個個子怡走喎」

個男同學同呀風講

「去左邊?」

呀風有d擔心,但仲係用好冷漠既語氣講野

「女廁!」

呀風一聽到答案就即刻去行去女廁...

點知去到見到既係...

子怡不停奸笑,一班女仔比人綁住,而子怡就不停搔佢地腳板

呀風即刻放心

「你做咩呀?- -」

呀風想知子怡到底搞咩

「唔見我係玩遊戲咩?」

「玩咩遊戲?」

「睇下我同佢地玩得幾開心!咁你黎係咩?」

的確...個班不停比子怡搔腳板既女仔已經笑到面形扭曲

「我睇下發生咩事。」

「放心放心~我冇事￣▽￣」

「...」呢個子怡...真係唔簡單!

又到聽日啦~＞ｗ＜

一返到學校即刻放低書包,之後...

等等☉w☉"我好似...比人望住咁既...

睇睇先...嘩!!原來個禽獸返左黎!☉o☉"

仲坐左係呀風個位望住我~!(呀風未返)

「hi...你...做咩呀...╯▽╰|||」

子怡塊面好似d漫畫咁,出現一條條黑條...

「你估呢?」

呀狼面上出現左一個微笑

其他女仔見到一定比佢電到暈,

但係子怡眼,呢個係一個

不懷好意既笑容,令子怡起雞皮疙瘩

「哈哈...我想去洗手間╯▽╰|||」

子怡塊面已經變左青色...

「洗唔洗走得咁快?做左虧心事呀?」

呀狼將佢塊面貼近子怡

「哈哈╯▽╰|||...虧心事!?邊有呀...」

「唔知前日邊個打到我隻眼黑左呢?好似...係你喎」

「你...你一定記錯啦...」

子怡越講越心虛

「哈哈!做完唔認做縮頭烏龜呀?」

子怡聽完好火...

點可以比佢點可以話我係縮頭烏龜!ˋ口ˊ

我跟本唔係細膽...好啦!我承認!我係有一點點既細膽,

但係佢邊可以咁講嫁!!

「你講咩呀ˋ口ˊ!你係咪想打交呀!!」

子怡開始反抗啦

「我唔同你打￣3￣」

「你...你個屎忽鬼!>口<"」

「呵呵￣▽￣」

呢個時候呀風返左黎...

「狼,你做咩係我個位」

「呀風!又訓到咁遲先返既」

呢個時候子怡已經一頭霧水...

跟據知情人小月既消息透露,

完來呀風同呀狼係識左好耐既朋友

兩個都好打得(子怡:哈哈!個禽獸都叫好打!?)

兩個都係學校風雲人物,

十分多女仔係傾心於佢地...

可惜呀狼對女仔只係玩玩下,

從來冇一個女朋友過到3個星期,

而呀風就太cool,對所有女仔都冇興趣...

而我覺得!?呀風都幾好人...幾識關心我

個禽獸!?去死啦!

-----------------------------------
放...放學啦!!!

>▽<heppy!!!

咦!?☉o☉"

條後巷入面個條友...咪個死禽獸!?

仲有...大約2,3個男仔,仲係個個渣住條木棍

好惡咁...個個禽獸一定得罪人啦!

唉!!唔好理,廢是多事!

但...咁多人...打死佢點算!?

睇定d先...

死啦☉口☉開始打啦!

唔理啦!出去幫拖!!>口<

「呀呀呀!!!唔好打!!!」

呀狼見到子怡,即刻問

「你叫咩呀!!」

「冇呀...咁樣有勢氣d...」

「我只係覺得好白痴- -。」

呀狼忍唔住講出真心話

「你地講夠未呀!!你邊個呀??我地打交關你咩事???」

對方既老大終於出聲

「哼!我睇唔過你地人多蝦人少!」

子怡終於記得自己彈出黎既目的

「好!!就比你睇下我地點人多蝦人少,兄弟上!!」

對方都唔想再講,開始出手

「禽獸!你搞店兩個得唔得?」

「當然ok啦!唔好睇少我!!」

「睇下點!!」

呀狼打交既時候好帥呀~>口<

而子怡...比佢打既真係慘,不停比佢sm

插眼,踢頭,踢...踢「男人最重要既野」

二人就係狂暴既打鬥中過左一個下午...

「你冇事嗎?膠布呀!用啦」

子怡睇到呀狼既傷,拿左張膠布比佢

對方咁多人,少不免有d傷...

「唔該。」

「嘩嘩嘩~!你怕醜呀~面好紅呀~哈哈」

「你...!」

突然一架賓士停左係身邊,有個人行左出黎

「少爺,要返去啦,屋企發生左d事... 」

原本係下人...

「知啦。」

之後同我講

「咁我走先,再見」

我呆呆地咁回應左佢一句再見就返屋企...

返到屋企...

「歡迎回來!」

向子怡迎面而黎既,除左呢句說話,

仲有一隻踢向佢既飛腳。

子怡好快咁用一隻手擋住隻腳

「呀哥,你贏唔到我嫁啦」

無錯!呢個企圖用腳踢我既人就係我呀哥!

「車~又比你擋到~」

哈哈!又難怪我呀哥咁想贏我既~

我呀哥已經練到空手道黑帶一段,但仲係打唔過我,

-▽-+所以佢成日搵機會偷襲我,希望可以贏到我。

點解我打交咁叻?

其實要多得...我呀哥!

因為我細細個既時候就已經成日比佢蝦!

3歲個年,佢搶左我枝波板糖。

6歲個年,佢畫花我本手冊。

8歲個年,佢將我個公仔從窗口飛出街。

10歲個年...(以下刪去一百字= =")

呢d事,對當時我既弱小心靈受到傷害,

所以為左唔再比人蝦,我努力練功,終於有今日既成績!

哈哈哈哈~哈哈哈哈~哈哈哈哈~(回音不斷)

「死女包!起身啦!」

又開始做我每日既第一個動作= =+

今日既係...西瓜刀☉口☉"!?

好彩我接住既係刀柄姐,如果唔係咪死硬!?

算啦!唔理啦!再唔行就遲到啦!

到左學校...

「點解冇老師上課既?已經第二堂啦!」

我帶齊晒書,居然冇老師黎上堂!?

「一直都係咁嫁啦~冇老師理我地既」

呀狼講比我知

「- -"你地對老師做左d咩搞到佢唔黎呀?」

「冇呀~我地只係將一缸水淋落佢度姐」呀雄又走過黎講

「只係咁?」冇咁簡單掛!?

「仲有生物室既青蛙。」呀狼再補上一句

「我好明白佢點解唔黎。」

睇黎老師唔會再黎啦,我自己自修算啦

「咪溫啦!出黎!我有黎同你講!」呀狼好正經咁講

「哦。」見佢咁正經,我只好跟出去...

去到天台...

「做我女朋友。」

呀狼首先出聲

「＝３＝呠~你傻左呀!?」

我發覺佢既精神病已經去到好嚴重既地步

「叫你做就做啦!」

「呵呵＠ｗ＠~完來你係比本小姐既美貌吸引到,所以想追求本小姐~哈哈哈」

「去死啦你!我只係想你扮我女朋友咋!」

呀狼講出真正既目的

「＠ｗ＠扮你既女朋友?點解?」

「因為...係咁既,琴日從細照顧我既五姐因為心臟病入左醫院

情況唔穩定,佢又話想見我女朋友...所以...」

「－ｗ－諗唔到你都幾有人性喎~good wolf(狼)」

「＝　＝”...咁幫唔幫!?」

「點解一定搵我做?」

學校咁多女仔鍾意佢,仲咩一定要搵自己!?

「因為五姐鍾意你呢種開朗既女仔,我諗你同佢應該可以相處得幾好。」

「唔...咁好啦!」

「咁行啦!」

「洗唔洗咁急呀~」

跟住我就跟左佢去醫院...

我已經去左醫院一個星期啦~＞ｗ＜

五姐既病情況已經好轉,五姐對我好好,

五姐仲講左好多呀狼細個既白痴野比我知,

搞到我笑到肚痛＝▽＝

直到今日...

「少爺,子怡小姐,你地黎啦」

「五姐~都叫你唔好叫我小姐啦~叫我子怡就得啦」

比人叫做小姐真係好唔慣。

「好好~︿　︿」

呢個時間，病房既門打開左

「呀哥~我返黎啦!」

迎面而黎既,係一個大約少我二,三歲既女仔

佢好可愛嫁＞ｖ＜。但...佢頭先講咩哥哥?

「呀妹,你返黎啦」

☉o☉"個個...原本係佢呀妹...

「hihi~你好呀!我叫子怡＠ｗ＠」

睇黎...佢冇咩想理我既意思－ｗ－

只係行去呀狼度

「哥哥~個醜八怪邊個黎嫁?請工人都請個靚d呀~」

佢佢佢...佢講咩話!?佢話我...醜八怪!?

我先唔醜呀~~~~＞口＜(回音...)

「佢係我女朋友。」

呀狼終於出句聲

「哈哈~呀哥唔好講笑啦~。」

「我講真」

＞▽＜哈!佢塊面變左青色,又變左紅色,好似紅綠燈呀!

「哼!醜八怪!我唔會認同你嫁!」

之後向我做左個鬼臉就走左...

全個過程我都十分無奈＝　＝...

「呀狼...」

「?」

「有冇人同你講,你個妹好似你?」

「......」無奈

個日之後,佢呀妹---嘉琪

就黎左我地度讀,

原本佢之前係美國讀書,又所大家都唔知有佢存在。

佢黎左之後,我就成日比佢整古...

「唉...」

我不自不覺哀嘆既聲音。

「做咩?」

身旁既呀風冷淡既聲線問。

但子怡聽得出佢係關心自己...

「冇...我只係覺得最近發生好多野...」

「現在既子怡唔似你。」

「唔似我?」

「比著係平時既你一定會好有自信咁去面對。」

「冇錯!我係天下冇敵既子怡!一定要加油!呀風,多謝你!」

呀風都報以一個笑容作支持

而係旁邊睇既呀狼,心中有一絲妒嫉...

放左學...

「死禽獸!行慢d啦」

呀狼仲係唔理佢

「死禽獸...唔比d顏色係睇都唔得!」

子怡突然沖上前,仲跳左出佢背脊,

用一招係武林失傳已久鐵頭功,

一野「宗」落呀狼既後腦...

「嘩!!你有冇問題呀!?等陣比你搞到我好似你咁白痴點算!?」

比人從後偷襲既呀狼即刻而雙手摸住自己既頭...

「哼!鬼叫你唔應我!」

「......」

「你再試下唔應我,我「宗」多幾次tim呀!」

女人果然唔可以得罪,特別佢呢種!

去到醫院...

「少爺,子怡你地黎啦?」

「係呀!五姐你既身體有好好多喎」

我而用我既招牌陽光x100既笑容同五姐講野

可能係因為「宗」完人特別開心啦!

「係呀!你地聽日係唔係唔洗返學?我親戚比左2張遊樂場票比我,

你地去玩下啦。」

「遊樂場!?好呀!!!」

一聽見遊樂場3個字,子怡就好似一隻等待主人帶去散步既狗

雙眼閃亮度為100%!

呀狼睇到佢既樣都忍唔住偷笑

「咁好啦!聽日點你屋企門口等」

「好好好＞ｕ＜」

好快到左聽日啦＞ｗ＜

我同平時一樣,T-shirt牛仔褲就出去,

一見到呀狼就比佢笑＝　＝

「嘩!叫你去約會呀!去打交咩!?」

「＝ｖ＝你係唔係有意見?」

我即刻露出我沙鍋咁大既拳頭。

「即刻同我一齊去買過d衫!」

「下!?」

唔等我唔應佢就拉左我上佢架賓士...

之後比佢拉左去整頭買衫,

一行到街就比人望住晒,

長長既卷髮,火紅色既小吊帶上衣,

加上迷你牛仔褲同高跟鞋,

令我自己都唔相信係自己...

但...令我好唔慣...－３－

仲有呀...邊有人咁著去遊樂場嫁＝”＝死白痴

好快去到遊樂場＞ｕ＜

我一野就拉住呀狼沖去過山車度

「我...我唔玩」

呀狼突然出聲

「你係唔係...驚呀?」

一出到激將法,呀狼個白痴即刻上當

「怕你呀!玩咪玩!」

天生既白痴真係無藥可救。

上到過山車,

過山車一道向上,呀狼既面就越來越青,

而睇住佢驚既表情既我,就越來越開心

直到過山車沖落去既時候,呀狼已經忍唔住叫左出黎,

而我?睇到佢咁既樣,已經大聲笑左出黎!＞▽＜

之後我帶(強迫性)佢去左玩跳樓機,海盜船...

睇佢不停叫不停嗌,我真係好想影低佢比班d人笑＞▽＜哈哈

最後,我地去左玩摩天輪,

係摩天輪上睇落去好靚呀...

「做我女朋友。」

我呆左一呆

「我一直都係你女朋友呀!」

「唔係呀!我鍾意你,我想你做我真既女朋友。」

「唔好玩啦...」

「我認真。」

睇佢個樣真係好認真。

「我...」

「你唔洗即刻答我」

我既心跳好快...心入面仲...好開心

開心!?☉o☉見鬼啦!唔通...我真係鍾意左個死禽獸?

--------------------------------------------
好快到左聽日...

我諗左一晚,我已經明白自己既心意...

「呀狼,我諗清楚,我決定同你...」

「大家安靜!!今日有新既插班生」

可惡既老師,打斷我既說話!

嘩!個插班生好好好好靚呀!

「大家好,大家可以我叫雪玲,係呀狼既青梅竹馬,加...未婚妻」

全班即時起哄拍掌。

一講完,老師就走左...

「呀狼,好耐冇見。我返黎啦」

只係見到...呀狼呆左...

係天台...

「子怡...你嬲咩呀?」

問我既,係同我食緊午餐既小月

「無呀!我邊有嬲姐!」

「你重話唔係!一聽就聽得出啦!子怡,你今日好怪呀。」

我都唔知點解自己咁嬲

「我冇事嫁,放心啦!」

「係就最好啦。係啦,我地落返去啦!」

「我...唔想落住...」

「咁...我落去先,你唔好咁耐呀。」

「好。」

小月走左之後,我不停重整問自己,

點解咁嬲,點解唔開心。

但我知,係我腦海裡,出現既人,係呀狼。

------------------------------------------
為左唔令小月擔心,我好快就落左黎。

但入課室既時候,我好後悔。

因為,當我行近我既坐位既時侯,我先發現,

雪玲坐係我既位置,同呀狼有講有笑。

正當我想離開課室既時候,我聽到既係呀風既聲音。

「你坐左人地既位置。」

呀風既一句說話,解決左我既問題。

雪玲都唔好意思再坐我既位,

所以佢去左坐呀狼既令一邊。

而我,為左唔令呀風擔心,

我一邊同佢講野,一邊扮作唔在乎咁強顏歡笑,

講講下呀風拉左我出走廊。

「唔好再咁,想喊就喊。」

呀風用佢一向冷淡既聲線講。

呀風就係咁了解我,咁明白我既人。

所以,我係佢既面前喊左出黎。

我從來冇發覺,我係咁鍾意呀狼

但當我發覺既時候,佢既身邊,已經有一個雪玲

天,係幾咁晴朗,但我既心,卻下了一場大雨。

「我呀哥唔會鍾意你嫁。」

以為放左學就唔洗咁唔開心,點知又有個麻煩。

「嘉琪大小姐~你又搵我咩事呀?」

「因為我未來大嫂雪玲姐已經返左黎!」

「我知~」

為左唔令自己冇面,所以我扮一d都唔關心,

果然,佢諗唔到我會咁唔關心呢件事,所以佢呆左一呆。

「哼!你知就好!雪玲姐身材好,樣左靚,仲比人搵過去拍廣告,

而且又係呀哥既青梅竹馬,加未婚妻。無論邊樣,你都比唔上。」

我聽左,突然諗唔到點回應。

的確...無論邊樣,我都比唔上佢

突然出現左幾個女仔,同一班男仔...

個班女仔同嘉琪年紀差唔多,

所以應該唔係搵我...

睇定d先...

「八婆!你做咩搶我男朋友!」

帶頭既女仔指住嘉琪

「係你自己既男朋友追我咋,怪就怪你又醜。」

「呀哥!同我教訓呢個死八婆!」

一下子,所有男仔就圍住晒我地,而個班女仔就係旁邊睇戲

係我身旁既嘉琪直頭嚇呆左...

有個男仔突然想動手打嘉琪,

我一手拉住佢,一個背後摔---「呯」

成個訓左係地下,在場人士呆晒...

「你地再唔走,我就出絕招!」

「絕招!?」在場既人睇過我既實力就開始有d驚...

「講出黎,一定嚇死你地...我既絕招就係...走佬!」

一講完,我即刻拉住我身邊既嘉琪而0.99秒走左

所有人呆晒...

呀-呀-呀-(烏鴉飛過)

另一邊...

「你有冇事呀?」

呢個時候既嘉琪已經喊左出黎,仲攬住子怡

「好...好驚呀...鳴...」

其實,嘉琪都只係個小女孩,當然個驚

「唔好喊啦,冇事啦。」

「多...多謝你」

「我送你返屋企先啦。」

「嗯。」

去到佢屋企...

間屋好大呀☉口☉"

「咦!?你同嘉琪一齊返黎既?」

出聲既係坐左係客廳既呀狼

「哼!你只係掛住你既未婚妻...完全唔理你個妹既死活!」

唔知點解一見到佢就嬲!＼︿／        

「邊有呀!」

「你講晒啦!」

「點呀!?呷醋呀!?」

「去死啦你!!」

我除手拿起隻碟車過去,就走左...

之後聽嘉琪講,原來隻碟係明代古碟,值十五萬...

之後,我係離開佢屋企既途中見到雪玲,我諗佢係去呀狼屋企食晚飯...

「hihi」雪玲首先出聲

「hi...」見佢對我打招呼,我只好回應佢...

「係呢,可唔可以同你傾下?」

「好呀...」撞鬼囉!今日咁多人搵我既!?

「你既事,我聽過呀狼講,居然要你做佢女朋友...太委屈你...呀狼既脾氣我最清楚,佢只係對我一個好...」

「哦...」

「你放心啦,以後我係度,你就唔洗做佢既假女朋友,五姐既事就交比我啦!」

「最...最好啦!咁冇野我走先。」

為左唔會係佢面先喊出黎,所以我好快咁跑走左...

我好驚...我好驚我唔洗再扮佢女朋友,

我同佢就再冇關連,到時佢就會慢忘記我...

天空,突然落起雨,就好似我既心情一樣...

「過兩日就係男女混合排球賽,每派出五位同學參加,參加既人寫名落參加紙度...」

一如以往,親愛既老師一講完就好快咁走左...

「子怡,一齊參加呀!」小月即刻走左過黎問

「咁...」打排我只係試過一,兩次咋...

「好啦＞３＜」

「咁...好啦」

「加油。」係我身旁既呀風出聲

「嗯!!」

話咁快就到左男女混合排球賽既日子...

「點解3b班得你一個既?」

「因為...我個朋友肚痛...」

死小月!都唔知係唔係玩我!叫我參加,自己就肚痛...

「咁...一係認輸,一係就照打。」

點都得!就係叫我認輸唔得!我咁大個都未試過認輸!

「五比一咪五比一!我照打!」

車!將個波打過去姐!有幾難!

「好!咁開場!」

為左唔比3b班衰人睇死,我一定要贏!

「3b開始發球!」

好!一野殺個球過去就ok啦!

「呯!」

個個呆晒...因為我一開球就打到人暈左...

「哈...哈哈...對唔住,大力左少少＝▽＝”」

之後,對面d人一個一個咁暈晒,睇比賽既人就呆晒,

直到最後得一對一...

「我認輸!唔玩啦!」對方首先出聲

「點解唔玩?幾好玩呀!」講真排球都幾好玩!

「你當然好玩啦!但係我愛惜生命!」

「－　－(無奈)」

「咁...3b贏...」

呆左既老師終於出聲

之後個幾場都係咁,聽講醫療室爆棚,有d人要係走廊訓,

而我!?當然贏左啦!

仲變到個個都識...

係走廊...

「我有野同你講...」係呀狼...

「我知!你女朋友返左黎,我唔洗扮你女朋友呀~係唔係?」

「你聽我講...」

「我去洗手間呀!有咩遲d講」

就係咁,我打斷佢既說話就走左

放學啦!有得返屋企訓覺覺＞ｗ＜

咦!?☉ ☉"門口個班咪係上次搵嘉琪班男仔!!

但今次...好多人喎...

點解成日都有咁多人找我麻煩嫁ˋ口ˊ

好!佢地想打咪打!睇下邊個怕邊個!

「哈哈!今日咁多人迎接本小姐放學呀!」

「打我手下,蝦我個妹既,就係你呀!?好大本事喎」

對方既老大都出聲

「唔敢當唔敢當＝▽＝!我都係出左發左少少功姐,冇你講得咁勁」

「好!就睇下你今日點!兄弟上!」

-----------------------------------------------------------
「呀狼呀風!子怡出左事!」睇到咁多人搵子怡,呀雄即刻搵佢地

一聽到子怡出事呀狼同呀風即刻跑左出去...

一出到門口...

所有人訓低晒,得返子怡同個老大

兩人即刻鬆一口氣...

「我睇上左你。」

個大老首先出聲

「???」

子怡聽唔明佢講咩

「我叫呀龍,我想你做我女朋友」

「＝▽＝我諗你一定係嚇傻左」

「我會再黎搵你,再見」

之後呀龍就帶晒d人走...

「你地係度既?」

子怡現在先發現佢地

「冇野...」

兩個人都好無奈

「咁我走啦＠ｗ＠再見」

之後就返左屋企...

今日一如已往,一起身接招,然後咬住多士跑返學...

只係唔同既係,我遲到!!!

☉﹏☉咦!?入緊黎個個咪呀狼!?

哈哈＝▽＝佢都有今日啦

「你係度做咩呀?」

佢個白痴一定係唔知遲到要罰企＝　＝

「你睇唔到我罰企緊咩!遲到要罰企呀!＞口＜」

「唉!咪理佢啦!走啦!」

之後佢仲強行拉左我走...

「今日...放學有籃球比賽...」

「我知...同第二間學校個埸比賽...咁又點?」

「我會出賽。」

「你係籃球隊隊員?」

平時都冇聽佢提過

「係,只係我平時唔係成日去練波。」

「哦...」

「你會唔會黎睇?」

「我黎唔黎好重要咩?」

「係。」

「咁好...我黎。」
平平無奇既上課時間又結束啦,

跟住就係個個都好期待既籃球比賽...

「子怡!行快d啦!比賽開始啦!」

講野既就係拉緊我行既小月

「得啦得啦~」

終於,我地到左籃球場。

比賽剛好開始,呀狼好快搶左個球,帶住個球去左對方既籃底一射---

「藍風中學一分!」

好圍既人聽到球証既說話都好開心。

之後呀狼不停進攻,拿到好多分...

上半場我地贏左!但多數都係呀狼射入得分!

唔怪得成日唔去練波都可以打比賽

中場休息,呀狼走左黎搵我...

「你今日有冇帶水?」

流晒汗既呀狼走過黎問我...

好有型...

「有呀!係呢度。」

我將我剛剛飲左半枝既水拿高比佢睇

點知佢搶左我枝水,仲講左一句唔該...

奇怪!?做咩同我講唔該!?

☉口☉"佢佢佢...飲緊我枝水...

姐係我地間接性接...接吻!?

Oh My 吉＞口＜”

點知睇到既雪玲即刻走左過黎...

「呀狼,我幫你抹汗呀」

「唔...唔洗啦」

「唔緊要啦!」

雪玲好細心呀,毛巾都帶左比呀狼...

而我呢!?唉...

下半埸開始啦,開始左冇耐,

呀狼就搶左個波,當佢跳起射波既時候---

佢比對方既籃球員一撞撞左落地,

隻腳仲傷左...

比賽停止左,所有人都圍住晒呀狼,

但大家都唔知點做咁,只係係咁問佢點,煩到死...

「讓開!!!」子怡忍唔住大聲嗌左一聲,其他人都靜晒,讓開左條路...

子怡將佢隻手放係自己肩頭上,用手扶住佢,而自己既身支撐起呀狼去醫療室...

到左醫療室...

「你地放心啦,佢隻腳休息一,兩日冇事嫁啦。」醫療室既老師對住我同雪玲講完就走左。

「子怡,頭先唔該晒你,現在我照顧呀狼就得啦,放心啦。」雪玲同我講。

「咁...好...」當我想離開醫療室...

「子怡!唔好走!」出聲既係呀狼

「做咩?」我好唔想睇住佢地一齊...

「雪玲,我唔想傷害你,但我鍾意既係子怡!」

「呀狼...你唔係好愛我...」雪玲好傷心咁...

「對唔住!」呀狼講完之後拉住子怡走左...

只係留下呆左既雪玲...

「子怡,可唔可以做我女朋友?」

「可以可以可以可以一百個可以＞▽＜」

之後呀狼就錫左子怡啦!
---------------------------------------------
之後個幾日好開心呀!＞﹏＜

呀狼仲對我好好＞ｕ＜

直到一日...

直到一日...

「子怡,你係天台等我呀,我好快黎。」

「好呀!」之後我去左天台...

我見到雪玲...佢個樣睇起黎喊左好多次...

跟住佢喊住咁走過黎...

「子怡!求下你比返呀狼我呀,我唔可以冇左佢!」

「你唔好咁啦!」佢真係好慘...

跟住呀狼上左黎,睇到我地拉拉扯扯...

雪玲一見到呀狼上左黎,佢同我講

「子怡!我會放棄呀狼啦!你唔好再打我...」

點...點解佢要咁講,我都冇做過!

呀狼聽到,即刻好惡咁問我

「子怡你做咩呀!?」

我從來冇諗過佢會為左佢對我咁惡...

「反正現在我講咩你都唔會信嫁啦!」

「同佢道歉!」

「我冇做錯!我唔道歉!」

「我終於睇清楚你!」之後佢帶住雪玲走左

原本晴朗既天,突然下起雨黎,

就好似我既心情一樣...

「你做咩喊成咁?」

呀風係天台遇到子怡

「借個肩頭黎,一陣就得啦...」

子怡都只係一個普通女仔,係呢個時候好需要人安慰...

呀風冇講野,只係默默咁企係子怡身邊黎安慰...

雨,不停打落係佢地身上...

另一方面...

「雪玲,對唔住,你有冇事?子怡佢...」呀狼對眼睛通紅既雪玲講

「我...我冇事,你唔好怪子怡,佢...」

「你唔洗幫佢!佢做錯仲唔道歉!」

「呀狼...唔好咁...」

「你係我從細識到大既好朋友,我唔會比人蝦你!」

「呀狼,多謝你....」

雪玲既嘴唇露出一個陰森既笑容...