YK Forum » 短文小說 » [轉] 《不折不扣的小學雞》


2011-11-11 07:23 PM 千草乂
[轉] 《不折不扣的小學雞》

________________________________________________________________

-1-



呢個故事由我小學一年級開始,小一既時候已經搬左黎天水圍住。
果時自己系一個不折不扣既小學雞,
記得入讀小學考分班試黎時候仲系份卷到畫「大頭仔」,
「大頭仔」系我果時幫個公仔改既名,小學雞真系小學雞,
仲幫D公仔改埋名,咩「『大頭仔』!遇神殺神,遇佛殺佛!」
諗起都覺得傻的嗎到震,收卷仲比個監考插左幾句。
點知,結果如我所料,分左入去最差個班(一定系「大頭仔」累事)​,
仲記得拎住份分班紙番屋企果陣真系想喊,因為小學雞好驚比老母鬧​,
所以行到屋企樓下都吾敢上樓住。就系呢個重要既時刻,
我見到隔離樓大堂門口有個女仔行緊出黎,著住我學校校服既,
哇哇哇,不得了,真系一見鐘情果種Feeling,佢好Pure​好True,
小學雞講感情雖然傻的嗎,但呢個人系改變我既第一個女仔,
後面出既文會叫呢個女仔做「女神」,佢既存在,令我既人生開始改​變•••




-2-


果日第一次見到女神之後,由於佢住系我大廈隔離既關系,
所以自己成日成個變態佬甘款,系佢樓下大堂出面坐系到等佢,
齋等女神甘悶?當然拎住最受青少年歡迎既Game Boy出黎玩下,
博下睇下有冇機會見到女神,不過世事就系甘玄妙,
當你越想見到佢,佢就偏偏一次都吾比你見,
我隻寵物小精靈金裝打到爆機都等吾到佢既出現。
真系幾Sad,但系既然系同一間學校,
甘我都冇甘愁,開學個日咪會見到囉。
如是者,9月1號番到學校,系操場尋求女神既身影。
集隊既時候,我終於見到佢喇,Yo!
仲要系同一級,但Hi Hi!佢竟然讀最好個一班,
原來女神系品學兼優而且樣令身材正既女仔,
我同佢既距離,原來吾系一棟樓甘近,
好學生同壞學生既距離,系小學時代都真系幾遠。
於是我決定的起心肝努力讀書,追番D成績!



-3-


由於我系新生,班入面D人都會問侯我,:「Hi Auntie 你邊到黎??」
我個時仲未識講粗口,唯有答,:「我來自潮州。」,
跟住班人都覺得我幾風趣,成日Hi 我好向左走向右走好笑甘。
最差既一班不愧系最差既一班,上堂氣氛都認真吾錯,
永遠老師問完問題都系老師答番,
慳番好多時間,隔離D同學訓到豬頭甘都吾理,
不過班主任堂就冇人敢訓,因為老師會一本書車落個頭到,
車到啪啪聲,小學雞都咪話吾驚。

一個月過去,我除左學識左好多粗口之外都吾知學過D咩,
心諗測驗都死硬,點知派分出黎系全班第一,40分,
哇Hi ,100分滿分拎40分都全班第一,
我都吾知同吾同老母講好,不過可以肯定既系,
我要離開呢一個最差既班,甘樣先可以拉近同女神既距離!

2011-11-11 07:25 PM 蛇`毒男`變態
回覆 #1 千草乂 的帖子

絲打你有上高登:em36:

唔好話我知你係CD-ROM然後轉過黎:em35:

[[i] 本帖最後由 蛇`毒男`變態 於 2011-11-11 07:26 PM 編輯 [/i]]

2011-11-11 07:27 PM 千草乂
回覆 #2 蛇`毒男`變態 的帖子

其實係我個fd作-_-
我係fb copy出泥-_-

2011-11-12 12:24 PM 千草乂
-4-
一個學期過去,系學校入面我都見過女神吾少次,當然得個望字,
作為最差班既成員我都吾知點開口同佢講野好,問過班上面D男仔,
點樣開口識女仔,個個都答:「Hi Auntie」,真系膠都廢事比。
不過由於我努力發奮既關系,我既成績開始直線上升,
上學期考試最系全級30幾,下學期更加升到全級11,
簡直系驚為天人,為左一個可能連我系邊位都吾知既女仔做到甘,
我都好佩服自己曾經既毅力。結果如我所願,
第二年我真系升左同女神一班,自此成為5年既同學。

終於成功入左最好班,自自然又要重新融入過,
最好班果然最好班,吾講人品,至少真系為學習而番學既。
果時系分組甘坐,吾系一行行,我偏左系左下角個組,
女神偏左系右下角果組,全組女仔,視為地獄既組別。
即使同班,由於我始終系新入黎,要同佢熟落都有D難度,
不過今次就真系可能感動左上天,女神果組因為太嘈,
Miss決定調位,將九宮格座位正中間個個女仔同我調位!
哇哇哇,前後左右,左上左下右上右下都系女仔,WTF!

全班男仔自然起哄,我都吾知是福是禍。
而女神坐我右手邊,我終於開口同佢講左第一句說話,
「你好」,
「你好」,女神微笑。


-5-
因為形象都算系乖仔,女神吾會有好抗拒我既感覺,
傾傾下計都知道左佢好多野,不過又稱不上去到熟既地步,
依一年只可以講我同佢既距離由陌生變到點頭之交。
急吾黎急吾黎,由朋友關系建立起不是常識嗎?
不過依年有個小插曲,我認我系令仔,
一個隔離班我吾識既女仔話鐘意我,吾系親口講,
系佢身邊既同學同我講既,當時我眼內只有女神,
當然吾太理依件都吾知堅定流既事,因為個女仔有個同校既男朋友。
不過後來系樓梯撞到個女仔既男朋友,好霸氣甘,
當然我未驚過,雖然腳都震曬,
佢同我講:「_ _ _系我條女,吾好搞佢」,我就知系堅料了,
不過我心諗系你條女話鐘意我,我直頭吾識佢,點樣掂呢?

講番女神到,小四因為吾太跟成績分班既關系,
我同女神吾同班,關系又疏遠左,最大件事既系,
系今年知道左佢要搬屋轉校,地點竟然系我之前住個棟樓,
你都咪話吾巧合,但重點吾系依樣,
我努力讀書既目的就系接近佢,天啊你甘樣同我拉番遠個距離?
佢一走,都吾知有冇機會再見,我曾經有一刻好迷茫到底讀書黎做咩​?
佢走左,我努力既目標就無左,SHIT!

小四學期完左,佢亦都要搬去,作為朋友系走個日ICQ同佢道別,
估吾到第一個鐘意既女仔就系甘電視劇式既情況下離開,
都好難吾傷心。

女神:「有機會再見。」
我:「真系有機會再見?你吾好話我知咩吾知架希望在明天。」
女神:「哈,傻仔。」

[[i] 本帖最後由 千草乂 於 2011-11-12 12:26 PM 編輯 [/i]]

2011-11-15 08:52 PM 千草乂
-6-
我諗我都真系傻仔個天自會甘玩我,
佢走左之後,小五學年亦都開左了。
佢老味今年突然又照番成績分班,
照成績,今年我同佢會再一次同班的,
唉,頭兩個星期上堂既時候,
個人不禁都會諗番起女神,真系諗番起都想喊,
我望住本書,心諗:我仲讀吾讀好?
佢將我由一個壞學生變番做一個好學生,無左佢,
我系咪要變番一個壞學生呢?
就系呢個時候,真系電視劇到吾電視劇既劇情
女神行左入黎班房,著住校服,招牌既微笑,
我頂我系咪發緊夢,我即刻叫隔離個個打我一拳,
佢真系一拳打埋黎,痛到我PK。
女神:「大家好,我系轉校過黎既新生」
心諗:「吾系下話甘似樣?」
女神:「不過上年都系到讀。」
「您番黎喇!」
當然呢句系心諗。


-7-
原來佢轉左校一個星期之後,覺得都系呢間學校適合佢。
所以佢決定轉番番黎讀,但系屋企就真系搬左既,
佢番左黎之後,我讀書既動力總算番番黎,因為我仲要繼續同女神一​班。
如是者,小五既學年又一次系讀書既環境下渡過。
不過今年又有小插曲,
有一次調位既時候,調左去坐系一個全班都排斥既女同學隔離,
依個女同學真系好難頂,所以全班都吾系甘鐘意佢。
同佢坐真系渡日如年,日日面對同學既恥笑,
連女神都有笑埋一份,
於是我決定當呢個女同學透明,好似自己一個坐甘,
但系佢Auntie,佢去搵社工話我排斥佢,
心諗全班都排斥你啦,你系咪玩野啊,
個社工仲要當住全班面叫我出去,我咩Face都無曬啦真系。
不過我都吾弱,我決定系社工面前系甘數個女同學既不是,
似乎個社工都明白我既感受,結果鬧番個女同學,
雖然非君子所為,但系我都好暢快,
而為左令大家吾好誤會我同個女同學有路,
我決定屈個FD鐘意依個女同學,
仲要同女神夾計玩野!

2011-11-15 08:57 PM 666118as
快D upload @@
好正@,@

2011-11-16 07:32 PM 千草乂
-8-

個時MSN已經興起,ICQ被收了皮。
我同女神傾計既時候,話甘悶不如搵D野玩下,
於是我同佢就系MSN系甘同人講我個FD,查理鐘意左個女同學。
結果就系甘,查理變成鐘意左個女同學既人。
當然大家都知查理明顯比我屈,但系大家都好樂意甘玩查理。
我同女神第一次夾埋玩人大成功。
而查理,都三番四次比我陷害,作為我既朋友,佢都算不幸。
小六學年到左,呢一年系我同女神最熟既一年,
熟到終於可以傾電話了,雖然次數吾多,
但系我終於由普通朋友,變到佢既好朋友。
記得第一日番學,我就比人捉左去罰企,
原因系攝衫攝得吾好,心諗三年都系甘既樣,今日你先捉我,
不過有成百幾二百人陪我企,都咪話吾壯觀。
學校甘樣整頓風氣法都不免過火左,有咩理由開學日連開學禮都冇得​參與,
不過都有好處,吾洗聽個校長勁UP一大輪,耳根清淨,
結果罰左粒幾兩粒鐘,終於可以上班房,
上到去,Hi 你分好曬座位既,
啊Sir:「啊,你遲到喇,我今日比大家自己揀位坐,遲下根據情​況再調。」
Hi!!結果我得番左下角落頭既位可以坐,隔離坐左個我覺得佢系​傻的嗎,
但系讀書好勁既同學,佢叫啊禮,個個都叫佢膠禮。
而女神就坐系班房右上角。
唉,甘耐都冇同女神一齊坐過,連前後都無試過,
點解我吾將件衫攝好D。

2011-11-17 06:58 PM 千草乂
-9-

膠禮真系好膠,膠到我頂吾順。
番學岩岩坐低,
膠禮:「Hi!」
我:「Hi!」
膠禮:「Bye!」
我:「•••」
同佢坐真系搞到同低B仔無異,
於是我十分期盼調位既一日,
將小四既奇蹟發生多一次,
奶媽坐左三個月,都仲未調位,
仲要班入面又爆左個傳聞出黎,
花生友A:「聽講Jimmy鐘意左女神呀!」
花生友B:「真嫁?!咁女神有咩反應?」
心諗:「呢獲Hi Hi!」
年少既時候真係好鐘意講邊個鐘意邊個依d白痴野,
當然我都係大個先會覺得白痴,
我聽到依個傳聞之後,都不禁嘆息
Jimmy你都算唔好彩,
我果晚就即刻同左女神講話Jimmy鐘意左佢。
係咁既情況下Jimmy成功既機會就係0,
我:「講個秘密比你聽。」
女神:「咩秘密?」
我:「Jimmy鐘意你。」
女神:「下,真嫁?」
我:「係,佢自己親口講」
女神:「•••我當佢係一個好好既同學。」
我:「我唔係黎幫佢探口風既放心(心諗我係黎害佢嫁ma哈哈)」​
女神:「嗯...都唔知多唔多謝你講我知好」
我:「我都唔知講你知做咩哈哈(害佢呀嘛Hi Hi仔 )」

-10-
Jimmy同我系中一其實一直都系情敵既關系,
不過其實我地二人表面扮吾知,其實內心都知對方點諗,
Jimmy系一個好乖既學生,所以我成日陷害佢都有少少吾安落,
就好似派飯既時候,我同佢都負責派飯,
甘會分A,B,C餐甘既,我永遠都會睇左女神今日食咩餐,
然後就迅速將個餐拎曬出黎自己派,
如果個餐系曬底,我就會叫Jimmy派左面個D先,
甘樣我就可以日日將個飯親手放落女神枱面喇,
而Jimmy應該都察覺到,吾知幾耐之後同我講番,
Jimmy:「其實你次次派飯都甘樣好難吾知你系。」
個時大家都已經吾再系情敵關系了。
有一日MSN突然震•••
女神:「喂,你識吾識打麻雀?」
我:「算識既,做咩?你想打?」
女神:「我想學下姐。」
我:「呢D都好學?用Yahoo麻雀教你?」
女神:「上網點學,不如叫埋幾個識打既,一齊打我咪學到囉。」
我:「但系去邊到打啊?你有麻雀咩?」
女神:「我無啊,你有掛。」
我:「有!」
於是,中一個年亦因為甘,我屋企成為左賭檔。

[[i] 本帖最後由 千草乂 於 2011-11-19 12:03 PM 編輯 [/i]]

2011-11-19 12:04 PM 千草乂
-11-

女神話帶埋佢一個朋友上黎,識既,叫穎珊,
而我就叫左公認既賭神,啊蘇,上黎教大家打,因為我自己都系半桶​水,
好自然,內心系非常期待打牌日子既來臨,
到左打牌個日,我媽子都系琴日執好曬間房,講起執屋,果個我家姐​間垃圾房,
垃圾到我執都執吾到,又多女人野,
於是我鎖鬼左佢,廢事比人見到就吾系幾好,
電話響••••••
女神:「喂?我到樓下喇,幾樓幾室啊?」
我:「樓下?你識路既?吾系約左系商場等咩?」
女神:「傻架你,我以前住你隔離架嘛。」
我:「又好似系喎,哈哈,甘我落黎大堂接你啦,話曬你系客,
啊蘇都黎緊了。」
女神:「哈哈,好啦甘,前門等你啊。」
我馬上以九秒九既速度落去樓下接佢喇。
D人話女仔出街LOOK同番學LOOK系可以好吾同,
我睇左佢個番學LOOK7年,出街LOOK見過印象都吾系甘深。
佢今日真系著得好令,個種令吾識形容,或者我夾硬叫佢做氣質,
我:「哇,打牌都著甘令做咩?」
女神:「哈,普普通通啦。」
穎珊:「WOW,又吾見你讚我。」
我:「You too la!」
於是,我帶佢地入左屋,由於我整理過,十分整齊,
但因為啊蘇仲未到,我地只好等。
坐左一陣,睇左陣宣傳易,(無錯,系宣傳易,個時得四倨台)
我打死都吾睇亞太區有一天成為亞太區你個街亞視既,
女神:「個間房鎖左既?」
我:「哦•••垃圾房姐」
女神:「垃圾房都有囉你屋企,得兩間房咋?你家姐訓邊?」
我:「垃圾房!」
呢個時候穎珊去左入我間房,
然後無神神大叫:「哇!」

2011-11-19 12:10 PM 666118as
係唔係有老鼠@@?
word.amxx

2011-11-19 12:23 PM 米奇wovgha
唔通有抗Dom??:clown:

2011-12-3 08:59 PM 千草乂
-12-

甘我同女神就入去睇下發生咩事啦,
甘大個仔除左媽媽家姐之外,佢地系第一同第二個入我房既女仔,
亞太區有一天成為亞太區你個街比穎珊做左第一。
我:「你哇咩啊?」
穎珊:「部電腦好慢。」
我:「頂•••仲以為咩事,部野256ram,中左毒得番192​ram,
真系勁到玩信長都要load兩分鐘,用左成四五年,都系時候換。​」
女神:「比你嚇死。」
呢個時候女神注意到我有down到foxy。
就同我講:「咦,你部腦有foxy喎,幫我down歌啦,我屋企​用吾到。」
我:「我諗你都系時候換電腦。」
於是,佢電腦既歌由我下載之後Send比佢,慢慢成左習慣。
呢個時候,有人禁鐘,我諗天駿都應該黎了,
出去開門,見到天駿,但就仲有多一個人,
我:「咦喂,做咩維維都系到既?」
天駿:「甘你話有兩個人,甘四個先夠打牌架嘛。」
我:「Shit!我話有兩個人黎,加埋我姐系三個。」
天駿:「無所謂啦,哈哈!」
心諗約左打牌但五個人,剩低個個點算,
甘齊人就開枱啦,點都系Lady first架啦,所以我做住旁觀先,
天駿就好理性甘介紹下邊隻牌食咩糊幾多番喇,
我都學到吾少野,女神同穎珊原來真系咩都吾識既,
系個D問:「有冇十萬?」「九萬大過八萬?」既人黎。
於是甘,先至有笑料,
經過一輪教導,終於開始打第一鋪,
吾洗問啊貴我系會坐系天駿隔離,點解?
因為女神系佢下家,我睇住佢先吾會比天駿屈機。

頁: [1]


Powered by Discuz! Archiver 5.0.0  © 2001-2006 Comsenz Inc.