YK Forum » 短文小說 » [轉] 我是你的工人~還是你的情人??


2008-7-26 01:41 AM `[嘉敏~'][
[轉] 我是你的工人~還是你的情人??

點解我咁黑仔嫁?!

哩份係我搵ga第58份工啦~又嗌我等消息~咁即係又唔得啦~

o個個小凝呀~冇端端帶我去算命~

話我好命~又話我出門遇貴人~

問佢事業佢又答我姻緣~

重係咁係到話:你一定會嫁得好好~

真係唔知話哩個算命伯伯識哄人等係呃人~

算啦~係我自己搵唔到姐~唔跟要啦~我實搵到ga~

咁樂觀開朗ga人正是藍澄~

嘩~做咩凌氏企業o個到咁多人排隊嫁??

唔通佢請人??

但點解o個到o個個都係女仔~重要係著得好暴露ga??

我諗...........都係唔o岩我啦~

正當藍澄想行過凌氏ga門口ga時候~

待續............

2008-7-26 01:49 AM `[嘉敏~'][
正當藍澄想行過凌氏ga門口ga時候~

佢就見到有個老婆婆係凌氏跌倒,手上面d橙都跌晒出黎~

但點解o個一班女仔見到都唔幫手嫁??一個都算啦~但係哩到起碼有幾百個喎~

真係唔應該呀~冇d良心~

藍澄即刻行左入去扶起個老婆婆~

澄 : 婆婆~你有冇事呀??有冇整趁邊到呀??

婆婆 : 冇呀~我d橙呀~(想執)

澄 : 婆婆~你坐下啦~(拉左張凳過黎)等我幫你執呀~

澄將一個又一個ga橙執起~可能係d女仔過意唔去掛,有d女仔都開始幫手~

澄(數跟d橙) :........16....18.19~婆婆~係咪得19個橙咋??

婆婆 : 唔係呀~我買左20個~我記得$10有5個~我買左20個~比左$40~我d孫仔好鍾意食嫁~

講完個婆婆就好開心咁笑~

澄(一路數多次,一路問) :婆婆~原來你係買比孫仔食嫁??你好o錫你d孫仔呀~

點解都係19個ga??明明應該係20個嫁~

澄 : 請問有冇人見到重有橙未執呀??

d女仔都望黎望去~

x:佢食左呀~

澄望到有個人囉住d橙皮,於是係到諗"攪錯呀?!人地婆婆咁辛苦走去買橙,你竟然食左~"

澄 : 小姐~你係咪食左婆婆ga橙呀???

x :冇呀~個橙係我ga~你唔係呀~係我手裡面有個橙就係呀婆ga~咁你唔好去屈人打劫~

澄 : 小姐呀~咁你究竟係咪囉左婆婆d橙呀??

x : 咩呀咩呀~個橙我係地下執ga~咩叫地上執到寶,問天問地囉唔到呀??

澄(唔鍾意佢d態度+覺得佢唔o岩) : 小姐~你點可以咁講野嫁~個橙你有冇真金白銀買呀??冇呀~咁即係唔係你嫁啦~如果你話係地下執到ga就係我ga,咁你隻鞋夠係地下啦~咁係咪即係我嫁呀??唔係呀嘛~婆婆落黎買橙,跌倒你唔扶佢,重囉埋人地個橙~你覺唔覺得有d羞恥呀??

x冇聲出,但重係好唔滿意澄~係到睥住佢~

係o個到ga人聽到澄講ga野都覺得唔好意思~

婆婆 : 小妹妹~唔好嘈啦~我當請佢食啦~

澄 : 小姐~你食左人地d野使唔使道歉呀??

x(面都紅埋) : 唔好意思囉~呀婆~

澄 : 婆婆~好對唔住呀~我搵唔返晒你d橙~

婆婆 : 唔好咁講啦~你幫我我要多謝你就真~我走啦~再見啦~好心ga小妹妹~

澄(笑) : 再見啦~婆婆~

哩一切一切都比一個男子睇到~

待續............

2008-7-26 01:52 AM `[嘉敏~'][
哩一切一切都比一個男子睇到~

佢向身邊ga一個好高大ga男子講左幾句野~

之後身邊ga人就點左一下頭,行左出去~而佢亦都返返上去~

當澄要走ga時候,有一個著住黑色西裝ga男人擋住係佢面前~

澄行左邊佢就行左邊,行右邊佢就行右~

佢係咪全心擋住我嫁??但佢咁高大~我有d驚喎~係咪我做錯左d咩呢??

黑 : 小姐~我地老闆要見你呀~

澄(嚇左一嚇) : o下?!請問咩事呀??

黑 : 唔知~你見左我地老闆咪知囉~

佢帶左澄搭一嫁好靚ga life~重搭左上49樓,最高o個層~

黑 : 老闆~到左啦~

a : 帶佢入黎啦~

當佢帶左澄入去房裡面,佢就出左去啦~

眼前所見係一個大約40歲ga慈祥伯伯~澄覺得佢年青ga時候一定係好受女仔歡迎~

澄(點一點頭) : 伯伯~呀!~唔係呀~先生~請問你搵我咩事呢??

o個個伯伯望到澄心係到諗唔錯唔錯~樣貌出眾,但唔係妖艷,係清純可愛~有禮貌~心地善良~

a : 唔緊要啦~你就叫我伯伯啦~我叫凌耀堂~係凌氏ga老闆~

澄 : 唔好意思呀~我唔知道tim~

堂 : 唔緊要~其實我請你上黎~係因為我想請你~1個月7萬~

澄(好奇怪) : o下?!做咩要請我呀??

之後又諗返起之前著得好.....係到排隊ga女仔~

澄 : 好對唔住呀~我係唔會返沙灘工嫁~

堂 : o下?!咩沙灘工呀??

澄 : 就係o個d著到同泳衣差唔多,返到間公司係比d男仔睇ga工~好對唔住呀~你ga好意~心領啦~

哩個女仔真係好得意呀~而且唔會比人一種隨波逐流ga感覺~

堂(笑) : 我諗你誤會左啦~係呢~你叫咩名呀??

澄 : 我叫藍澄呀~你可以叫我呀澄~

堂 : 澄~我請你係想你幫我個仔補習同埋做工人~

澄 : o下?!但我d學歷得中七咋喎~

其實我都唔係想你幫佢補習,我係想你影響下個衰仔~等佢可以有返d禮貌~多d責任心~

堂 : 學歷唔係問題呀~

澄 : o下?!但點解會有咁多人工ga??1個月7萬~我有冇聽錯呀??

堂 : 冇呀~我個仔好百厭嫁~所以好難睇住佢~之前我已經幫佢請左幾個嫁啦~但..........

澄係到諗~1個細路仔會有幾百厭呀??

堂見澄冇咩反應~驚佢唔答應~所以..........

堂 : 唉~其實我個仔有先天性ga心臟病~佢好想好似正常人咁返學,讀書~但係就係因為哩個病令到佢冇得做好多正常人ga野~之前幫佢請ga補習老師同工人都驚佢突然出事~所以全部都做做下冇做~我個仔亦都因為咁性格開始改變~開始變得唔鍾意同人相處~所以我之前見到你幫o個婆婆~我就知道哩份工係o岩你嫁啦~所以我好希望你可以答應~

好對唔住呀澄~我呃左你~堂雖然覺得唔好意思,但為左個仔都冇計~

澄聽到眼紅紅咁~好似好想喊~
佢真係好可憐呀~

堂見到澄眼紅紅好似好想喊咁~係到諗哩個女仔真係好善良呀~不過佢咁易喊,可能會比個衰仔整喊~真係辛苦你啦~

澄 : 好啦~我應承你~

堂 : 好啦~好多謝你呀~1個月7萬,包食宿~

澄 : 伯伯~唔使咁多啦~1萬就得啦~其他工都冇咁多啦~

堂 : o下?!
哩個係第1個女仔叫我減人工嫁~堂對哩個女仔真係有好大a好感~

澄 : 就咁話啦~好多謝伯伯請我呀~(鞠左一個躬)

堂 : 我多謝你就真~咁你聽日執好野,上黎搵我啦~我叫人帶你去我個仔o個到~

澄 : 好呀~真係麻煩晒啦~咁我唔阻你啦~我走先啦~

堂 : 好呀~再見啦~

澄 : 再見~

當澄走左之後,凌耀堂覺得自己好似呃左個好女仔~好為哩個女仔婉惜~一個咁靚,咁可愛ga女仔就咁比人呃左~希望個衰仔唔好又幾日後激到人走左啦~已經試過好多次嫁啦~

待續............

2008-7-26 01:56 AM `[嘉敏~'][
澄走左之後佢就即刻打個電話比小凝~

澄 : 喂~小凝呀~我搵到工啦~

凝 : O下?!係呀~咩工黎嫁~

澄 : 補習老師+工人囉~1個月1萬~重包食宿TIM呀~

凝 : O下?!咩工黎嫁~你幫邊個補習呀?!男定女呀?

澄 : 男呀~

凝 : O下?!去一個男仔屋企住TIM~你唔好做啦~好危險嫁~

澄 : 做咩呀~O個個男仔都係細路仔黎GA~怕咩呀??

凝 : 咁都好D~係呀~我唔同你講啦~呀進等緊我呀~

澄 : 你有男朋友就得啦~唔使理D FRIEND啦~我要搬走你都冇留我~

凝 : 你決定左呀嘛!~我唔講啦~

澄 : 好啦好啦~真係呀~

拍拖真係咁GA咩??成日都聽到佢同呀進傾電話,重係到甜笑TIM~真係呀~

第2日~

澄下午2:00就上左去搵伯伯~

堂 : 澄~我搵左人車你去啦~你落到去就見到嫁啦~哩到係我個仔GA地址~我放係你哩到~

澄 : 好呀~唔該晒你呀伯伯~我走啦~BYEBYE~

落到樓下~

澄就見到一架好靚GA黑色車~重企左一個人係門口~

D : 你係咪澄小姐呀??

澄 : 你唔好叫我澄小姐啦~你叫我澄就得啦~

D拉開門~等澄坐好就開車啦~

過左好耐好耐~終於都到啦~

D : 澄小姐~到啦~我唔可以送你上去~所以你要自己一個上~

澄 : 你再叫我澄小姐我就唔落車~

澄覺得無論係做工人定做總統都係人~所以佢唔鍾意分階級~

D : ............呀......呀澄~少爺住係X樓XX室~係呀~記得囉遮呀~出面好似想落雨~

澄好甜咁笑左一笑~

澄 : 真係唔該晒你~

D覺得澄係一個好特別GA人~因為佢車過咁多個女仔都未試過有一個係咁~佢覺得今次老闆揀人GA眼光好好呀~

澄望到前面GA一楝大廈~係私人屋苑~好多花草樹木~空氣都清新D~

佢上到去就開始O禁門鐘啦~

門入面GA人覺得門鐘GA聲好煩,加上本身自己GA工作因為冇靈感而完全動唔到手~所以覺得特別煩~

澄O禁多左幾下~門入面GA人終於好唔滿意咁行左出黎~望下究竟係邊個阻住佢~

E~點解係一個女仔GA~

應該唔係O個D狂蜂浪蝶~個女仔O個樣好清純~比人一種墜入凡間GA天使感覺~

門入面GA人突然停左一停~

清純,天使...........我諗到啦~

佢滿意咁笑左一笑~薄薄GA嘴唇輕輕向左右拉開~

做咩咁耐GA~唔通冇人??澄又O禁左幾下~

今次終於有人應門啦~黎O個個竟然係一個好.......靚仔GA人~

澄搖一搖頭~哩個細界冇靚仔嫁~我做咩咁傻GA~

男子個心好想笑~點解佢冇端端搖頭GA?!佢好得意呀~

澄(點左一下頭) : 請問凌冷峰係唔係到呀??

峰 : 我係~

澄瞪大隻眼望住佢~佢係??佢唔係細路仔黎嫁咩??

峰覺得佢真係好得意,好好笑呀~好想玩下佢~

峰 : 你做咩望住我呀??我知我係靚仔~你都唔使咁呀~人地靚女o個d都冇咁望啦~你又唔係靚~

澄 : 你.....你真係凌冷峰??

點解佢冇反應ga~話佢唔靚都冇反應~

峰 : 我係呀~靚女~

澄(好大反應) : 咩呀~好對唔住呀~我唔係呀~你可以叫我白痴,話我低b,什至豬扒都冇問題~但唔該你唔好咁叫我~我唔係~

峰好想笑呀~因為估唔到佢咁大反應~

澄 : 唔好意思呀~我想問你幾多歲呀~唔知你可唔可以答我呢??

峰 : 我21歲~起碼大過你5歲啦~

澄 : 你21歲......(突然記起)我唔係16年歲呀~我19歲啦~講完澄即係掩住口~面都紅埋~

點解我會講左女仔ga大忌比佢聽嫁~

做咩佢會面姐ga??好得意呀佢~攪到我好想玩佢~

不過峰真係估唔到佢19歲~佢托起澄ga下巴~望清楚佢ga樣~

娃娃面~清澈ga眼睛,好似冇受到任何ga野污染~高高ga鼻~紅而細ga嘴~講起嘴~峰就發覺原來哩個女仔身上一陣清香,帶有水果ga香味原來係由嘴發出ga~應該係潤唇膏ga味道~

峰不禁望住澄ga嘴唇~

澄好驚呀~心跳得好快~因為佢未試過咁樣比人.........而且通常男望住女ga嘴唇~通常都係想..................o錫o錫~

待續..........

2008-7-26 01:59 AM `[嘉敏~'][
該死~望到佢色,香,味俱全GA嘴唇,紅噹噹GA臉~他竟然有想o錫佢GA衝動~

澄好驚呀~點算呢??我推開佢好唔好呢??定係比佢o錫呢??但係咁我咪比左個...............

澄決定左啦~佢用左全身ga力推開佢~

峰都因為哩下突然ga推開而醒一醒~

點解我想o錫佢??我從來都未試過咁~我係咪傻左呢??不過見到佢個樣好尷尬~都值得呀~

唔係呀~o個個人唔係細路不得止~重要係色狼?!

澄係到諗~點解我咁唔好彩嫁~諗諗下~澄係諗~我會唔會行錯左地方呢~哩到可能唔係XXXX室呢~

佢望一望個門口~哩個希望落空左~

澄再係到諗~我係咪去錯地方呢??佢搵返伯伯比佢O個樣字~

係張紙入面重夾多左張紙~

呀澄:

好對唔住呀~我呃左你~其實我個仔已經21歲,佢冇心臟病~係我呃你GA~因為我好想你教我個仔~無論係性格上,等係對人處事上~希望你唔好唔做哩份工~更希望你會原諒我啦~

伯伯

澄望住峰~伯伯好疼惜佢呀~我都好想有個咁GA爸爸~澄GA眼神變得憂傷~

峰好似察覺到前面GA佳人有唔同:咩事呀??

澄 : 冇事呀~係呀~我叫藍澄呀~係你爸爸請GA補習老師加工人呀~
算啦~我答應左伯伯就唔會改變主意嫁啦~不過好彩有帶條長褲黎姐~

峰係到諗補習老師??我囉左一個博士,兩個碩士~我要補習老師?!不過上次O個個老野請返黎O個個啦~成日係到扮靚~上上次重衰~當哩到係自己屋企咁~成日叫人上黎~咁次老野GA眼光都唔錯呀~

峰 : 又係O個個老野~

澄 : 邊個老野呀??(反應好大)O下?!你嗌你爸爸做老野~你唔係呀?!你好冇禮貌呀~其他人都算啦~但哩個係你爸爸黎嫁~係養到你咁大GA爸爸呀~你點可以咁叫人嫁??你有冇D唔好意思呀??出到出面比D小朋友聽到實教壞細路啦~我終於都知道你爸爸點解(呀~唔可以比佢知嫁~)

澄 : 好對唔住呀~

峰估唔到前面哩個叫藍澄GA女仔咁大反應~不過都幾得意呀~至小佢未試過~攪到佢好想逗下佢~

峰 : 你做工人呀??你D咁GA高度點做呀??

澄 : 咁你即係話我矮?

峰(好想睇下有咩反應): 係呀~

澄 : 真係.........

峰(佢會唔會喊嫁?) :係呀~

澄(鞠左個躬) :好多謝你呀~好多謝你話我矮~

峰聽到好愕然~估唔到呀~其實佢唔矮~都有17幾高~點解佢咁奇怪GA~讚佢佢唔鍾意~話佢唔好佢就咁開心GA~

澄(係佢面前揮手) : 你做咩呀??

峰 : 冇事~(囉左我d野)你住哩間房啦~

澄 : 唔該呀~

峰 : 你執下野先啦~

澄 : 好呀~

哩間房雖然好樸素~但係都唔差呀~個窗隔離有一個衣櫃~

o下?!做咩落雨嫁~

澄好靜咁行到窗邊~

點解又要落雨呀?

澄望住雨點一點一點咁落~佢個心好唔舒服呀~

峰行過門口~停左係到望佢~唔知點解覺得佢散發住一種憂鬱ga氣息~

澄合埋雙手,閉上雙眼~好似係到禱告緊咁~

過左一陣~澄張開雙眼~望住窗外ga雨~

峰見到澄ga眼神~佢唔想佢咁~

峰 : 你係到做咩呀??

澄回覆返原本ga開朗 : 冇野呀~

峰 : 真係??

澄點點頭~佢等峰走左之後~佢就係個行李箱到囉左本好靚ga簿~上面有好多天使~
佢開左一版新ga一版~寫住~

5月26日~
第418個天使韻落~

待續.............

2008-7-26 02:01 AM `[嘉敏~'][
5月26日~
第418個天使韻落~


澄執好晒d野之後~佢就出左房啦~佢見到峰坐左係到好似好得閒~

澄 : 你好得閒呀??咁我地不如開始補習啦~

峰o岩o岩係到諗緊要點樣先design緊套晚裝~正當佢受到阻滯的時候,澄ga出現就令到佢諗到更多更多ga idea~

峰 : 好呀~隨便你啦~你入去我房囉d書呀o個d野出黎啦~係房ga右手邊o個個白色膠箱入面~

其實哩d書峰一早就想唔要~係o個個爸.........老野叫一定要留係到~

澄入到峰ga房~佢見到間房好大~而且係藍色~雖然係一種沉沉地ga藍色~不過比人地有一種好似海洋ga廣闊,舒服ga感覺~佢間房都唔算亂~不過唔知點解有好多書櫃~佢囉左d書出黎之後~佢就見到隔離ga書櫃入面有好多書佢都係好想睇但借唔到ga書~由於佢係一個書迷,所以不自覺得就囉左一本佢幸左好耐ga書開始睇啦~

峰覺得好奇怪呀~點解澄咁耐都冇出黎~所以佢就行左入佢間房啦~

行到門口~佢好自然就靜靜咁企左係到~

澄好留心咁睇緊本書~而峰就好留心咁望住澄~

兩者都為自己所有興趣ga野看得出神~

"啪"ga一聲~將澄同峰ga注意力拉到跌左係地下ga書~

我做咩咁留意佢ga??

我做咩睇書睇到唔記得左要做ga緊要事ga~

澄回頭一看~佢見到峰係門口~急急咁將睇緊ga書放回原位~

澄 : 唔好意思呀~我唔記得左呀~

峰 : 你對哩d書有興趣ga咩??

澄(對眼好似發光) : 係呀~我之前都想睇嫁啦~不過我借唔到呀~唔好講啦~開始啦~

峰搬d書出左廳~而澄好快咁入返自己房囉左支蘋果綠茶出黎~

其實佢唔只買左蘋果綠茶,重有d糖,薯片~本來係買比凌冷峰小朋友ga,不過.......

算啦~我自己食返~反正我自己都好鍾意食~

澄(去左廚房囉杯) : (我點叫佢好呢??)呀~凌冷峰~你飲唔飲呀~

峰 : 唔啦~

澄(飲左一O炎) : 咁我地講左中文先啦。•。•。•。•。•。•。•。•。•。•。•。

峰估唔到佢講得唔差~而且聽得佢好開心TIM~呀~

澄 : 數學呀~..............數學就...........

點算好呀??我數學好差呀~成日都唔合格~點教人呀~

澄 : 不如你做下哩份PAST PAPER先啦~

峰 : OK~不過你唔係唔識呀??

澄O個時係到飲緊杯蘋果綠茶~一聽到差D噴左出黎~

澄 : 實不相瞞~數學係我GA弱項~

峰微微咁笑左一笑~我同佢真係O岩O岩相反~我數學係全班GA數一數二~

澄 : 你咁姐係笑我姐~

澄 : O下?!原來哩個個答案係咁嫁??

峰 : 係呀~首先將。•。•。•。•。•。•。•。•。•。•。•。•。•。

澄 : 哦~我明啦~

峰 : 咁你做下之後O個D啦~唔識先問我~

澄 : 好呀~

峰講到喉嚨都乾乾地~所以佢囉左前面杯綠茶飲~

估唔到幾好飲喎~

澄 : 呀~我想問~哩個係咪要將哩個咁樣之後咁樣~

峰 : 係呀~

正當澄想囉杯綠茶飲GA時候~佢就發覺已經冇晒~連樽入面都冇埋~點解會咁呢??

2008-7-26 02:03 AM `[嘉敏~'][
正當澄想囉杯綠茶飲GA時候~佢就發覺已經冇晒~連樽入面都冇埋~點解會咁呢??


澄 : 你有冇見到我枝綠茶呀??

峰 : 有呀~

澄 : 咁係邊呀??

峰 : 係我個肚到~

澄 : o下?!唔係呀~

峰 : 係呀~唔緊要啦~我陪10支比你啦~

澄 : 你..............

點解d女仔咁貪心嫁??個個都係咁~

峰 : 20支~ok~

澄 : 你飲邊到呀~

o下?!我飲邊到??哈哈~我知啦~真係好好玩嫁姐佢~

峰(貼近澄,係佢耳仔講) : 我咪飲你o個到囉~

咁咪即係我同佢間接咁.................唔得呀~澄面都紅晒~重不停搖頭~

點解佢咁好玩嫁~玩左佢一陣就面紅~又唔知點解係到搖頭~好可愛呀佢~

峰決定再玩下佢~佢又再貼近佢~而家佢地好近~真係好近~簡直係得返一條好細ga空隙仔~

唔好玩啦~點算呀~都過佢係色狼黎嫁啦~

澄坐過左~佢地ga距離又遠左~

點知峰又拉張凳同佢一齊坐~

澄(推開佢) : 你唔覺得好擠迫ga咩??

峰覺得好好玩~佢竟然有咁ga反應~通常其他女仔都好樂意比佢咁~重會好開心tim~但佢...........果然特別~

澄講左之後覺得唔好意思~所以 : 唔好意思呀~我要去toilet~

點解佢好似咁鍾意玩我??我一d都唔好玩~

點解我咁鍾意玩佢??不過佢真係好好玩~

澄出左toilet之後佢就好勤力咁做數~冇理佢~當佢有問題ga時候先問佢~

澄( 睇下做左幾耐): 呀~終於做完啦~嘩~成8:27pm嫁啦~咁夜~你肚唔肚餓呀~

原來唔覺唔覺已經咁夜嫁啦~唔通望住佢可以解悶??

峰 : 肚餓呀~

澄(行左入廚房) : 嘩~點解你屋企咩野食都冇~

峰 : 通常都唔係到食~

澄(好辛苦先搵到) : 得兩包公仔麵~你介唔介意呀??

峰(好累) :是但啦~

原來教人都幾累嫁~不過教佢就算啦~

澄開左火之後就出左廳~佢見到峰好似有d累~

澄 : 不如我幫你按摩下呀~我知要你教我辛苦嫁啦~我咁蠢~真係好sorry~

佢蠢??佢都唔係好蠢~通常我只要講一句~佢就會識做~點解佢咁鍾意貶低自己??唔通咁會開心d ga咩??

好舒服呀~哩排好累呀~接左個job~而家真係好舒服~

做咩停左ga~

待續..........

2008-7-26 02:07 AM `[嘉敏~'][
峰回頭一望~並冇其他人~只係得佢自己一個坐係sofa~

唔通藍澄係我自己想像出黎ga??

或者佢真係唔係真實~佢有一種哩個細界上已經絕種ga單純~好似不食人間煙火ga天使~

佢擁有天使ga善良笑容,但笑容ga背後好似隱藏著憂鬱~

一陣陣濃郁ga香味係廚房傳出~

藍澄雙手捧著兩碗令人垂涎三尺ga麵放係檯上面~

澄(雙手o禁住耳仔係到跳) : 好熱呀好熱呀~

峰(微笑) : 你o禁住耳仔就唔熱嫁啦咩??

澄 : 人地教嫁~我都唔知呀~不過而家唔熱lu~快d食啦~凍左唔好食~

食食下ga途中~

澄 : 係呀~唔知你...........可唔可以............

峰 : 咩呀??

澄 : 借o個d書比我睇~

峰 : 哦~你真係好想睇咩??

澄(點點頭) :唔~(對眼發光)唔該你呀~

好可愛呀佢咁樣~好似好精靈ga貓~

峰 : 好呀~

澄(好開心) : 好野~唔該你呀~

原來咁小ga事已經可以滿足到佢~令佢咁開心~

峰 :你唔好食咁多啦~本身都已經肥~重食~

澄(食完+收野) :你唔好踢爆我啦~ 我都知我自己肥...........

o下?!點解佢咁冇自信ga?!佢簡直係model ga身材~一d肥都冇~而且又冇骨杉杉ga感覺~哩種身形著衫好好睇~

澄洗完碗 :可唔可以而家借比我呀??

峰 : o下?!好呀~

峰入左房囉書比澄~

原本佢都唔係咁衰ga~都幾好人呀~

峰 : 係晒到~

澄 : 唔該晒呀~多謝你呀~^^~

澄收到書之後就即刻入房睇書~

到到10:08pm~

睇書睇到入晒神ga澄終於醒覺啦~

嘩~咁夜嫁啦~我重未沖涼呀~

佢即刻囉衫~之後就入左去toilet啦~

但係.................佢唔識用沖涼o個個野~

澄研究左好耐都唔識用~佢決定去求救啦~

澄輕輕吼門~

原來做跟野ga峰亦放低手頭上ga工作開門~

峰 : 咩事呀??

澄 : 唔好意思呀~我阻住你~但係.............(細聲)我唔識用o個個沖涼.........

峰 :哦~跟我黎啦~首先咁咁咁~之後再咁咁咁~咁就得嫁啦~

澄 : 哦~我知啦~真係唔該晒~

峰 : 明啦嗎~

澄 : 係呀~你可唔可以幫我關門呀??

峰諗住玩下佢~佢行左去關門~

澄諗住掛衫ga時候~佢就睇到峰重係到~

澄(面紅+大聲) : 係做咩重係到嫁??

峰 : 你叫我關門呀嘛~

澄(面紅+唔好意思) : 我叫你出去再關門呀~
好彩冇.........唔係又sit左比佢~

真係好好玩呀~原來玩佢係有鬆弛ga作用~
峰 : 你自己講得唔清楚咋~

哩個人真係衰~
澄(面紅) : 係啦係啦~咁你而家出得去未呀??

峰 : ok~

澄即刻鎖好門~好可憐呀~原來佢真係色狼黎嫁~

澄沖完涼之後又入返房睇書~

嘩~好累呀~哦~唔怪得啦~成1:40am啦~係喎~未刷牙~

澄囉左d牙刷,毛巾就去左toilet刷牙啦~

澄一路刷,一路行出廳~

哩個其實係澄ga習慣~佢唔會係toilet刷牙~佢會行去第2到刷~

今次澄行左去廚房~佢好鍾意峰屋企ga廚房~設備齊全~可以做到好多以前做唔到ga野~

哩個時候~峰o岩o岩好停左手頭上ga工作~行左去廚房沖杯coffee提神~

e~佢做咩咁夜重係到ga~

峰 : 你做咩係到呀~

澄(擰轉頭) : 冇呀~

峰(覺得好好笑) :你係到刷牙呀~

澄 : 等我一陣~
點解佢戴左眼鏡ga~佢有近視ga咩??不過戴左眼鏡斯文左~又...........

澄返返黎ga時候已經刷好~

澄 : 係呀~唔可以ga咩??咁下次唔囉~

峰 : 唔係~你想咪得囉~咁夜重未訓~

澄(捽眼) : 睇書呀~不過訓啦~你呢??

峰(沖coffee) : 做跟野~

澄 : 你飲coffee呀?!唔好嫁~

峰 : 唔飲點提神呀?

澄 : 盡量小啦~對身體唔好嫁~好啦~我訓啦~你唔好咁夜呀~

峰 : 唔~

行左幾步~澄係到大叫~重跑返入廚房拉住峰~

峰 : 咩事呀??

澄(企係佢後面) : 有蟑螂呀~

峰 : 哦~係邊到呀~

澄(拉住佢) : 係出面呀~

峰係哩個時候竟然有開心ga感覺~

峰 : 冇呀~

澄 : e~唔見左ga~死啦~死啦~去左邊呀??佢唔會入左房呀??

峰(玩佢) :可能嫁~可能係你訓左ga時候.......

澄 : 你唔好講啦~我都係唔訓啦~

峰(玩) :係你後面呀~

澄即刻撲左係峰ga懷抱裡面~

峰即刻有一種暖暖ga感覺由身體傳送到心裡面~

澄 : 唔好意思呀~

峰 : o下?!唔緊要~

澄 : 我都係入房先啦~

峰 : 哦~

點解會有一種咁暖ga感覺??

點解會有一種安全ga感覺??

澄決定左唔訓~所以佢就坐左係張床到~

峰(開門) : 你真係唔訓呀??

澄 : 唔啦~

峰 : 訓啦~唔會有野ga~

澄 : 你去做野啦~唔使理我~

峰 : ...........嗯~
有d後悔o岩o岩係到嚇佢~

澄好眼訓~但都忍住~因為佢真係好驚蟑螂~
慢慢咁~澄終於敵不過睡魔ga引誘訓左~

峰停低手上ga工作睇下澄~

佢見到澄橫睡左係床ga中央~

峰見到就抱起澄~放返好係張床到~

望住澄~峰竟然諗起柔..............................

待續..............

2008-7-26 02:11 AM `[嘉敏~'][
第2日~澄好早就醒啦~可能係因為佢一向都早起身~

死啦死啦~我訓左~咁d蟑螂咪..........呀~唔要呀~

澄即刻起身~

係佢刷完牙~經過峰間房~本來佢都諗住就咁行過~但見到有條空隙~所以推開個門睇下~

間房一樣都係咁藍~峰就伏左係張檯到訓左~

檯上面有好多好多紙球~重有一杯飲左好小ga coffee~澄好溫柔咁將d紙放到垃圾桶~

然後將杯coffee囉走~因為驚比峰整跌~

佢急急咁行番峰ga房~峰ga姿勢已經轉左~好輕易就見到佢ga瞼~

眼鏡仍然掛係峰ga鼻樑上面~

澄輕輕咁取走佢ga眼鏡~

冰冷但有神ga眼睛閉上,只見長長ga眼睫毛~高而直ga鼻~薄薄ga嘴唇~這張是一張英俊ga臉孔嗎???

澄不知道~卻感到心如鹿撞~

藍澄呀~藍澄~你幾時變左色狼嫁?!

澄立即將身上ga外套脫下,掩蓋係峰ga身上~

之後急急腳走左~

鈴鈴鈴~

電話ga鈴聲嘈醒左熟睡中ga峰~

峰 : 喂~唔~得啦~我做完啦~ok~我即刻黎~

峰攪掂晒所有野之後就出左去廳~

峰 : 我要出去啦~

澄 : o下?!咁早~

峰 : 係呀~

澄 : 咁你係咪去到好夜嫁?!今晚返唔返黎食呀?!

峰 : 應該唔會好夜~大約8:00pm倒~我走啦~

澄 : 喂~你未答我呀~

峰已經走到好遠~

8:00pm?!應該返得切啦~咁就煮野食啦~係呀~佢屋企咁............都係大掃除好d~

佢屋企咩都冇~食物又冇~掃把又冇~

澄換左件衫之後就出去買野啦~

澄買左好多好多野~又食物~又地拖~又掃把~又日用品~當然唔小得ga就係蘋果綠茶啦~不過哩d係自己比錢ga~

澄一個女仔囉住咁多野~差d就跌倒好幾次啦~

行左一條好長好長ga路~終於到左佢住ga大廈啦~

管理員見到澄咁就好主動咁幫佢開門~

管理員 : 嘩~買咁多野ga~

澄 : 係呀~真係唔該晒你啦~請問點稱呼呀??

管理員 : 大家都叫我康伯~我幫你囉d上去啦~

澄 : 康伯~真係唔該晒你啦~

康 : 係呢?!你住幾多樓嫁?!

澄 : 17樓xx室~

康 : o下?!o個到唔係一個男仔住ga咩?!你.........唔好意思呀~

澄 : 我地冇野嫁~我係佢ga工人黎嫁~

康(原本以為佢地同居) : 哦~到啦~你出先啦~

澄 : 好呀~唔該~(行到門口)你放低得嫁啦~

康 : 好呀~

澄 : 真係唔該晒呀~

康 : 好啦~咁我走先啦~係時候要巡樓啦~

澄 : 呀~等等呀~請你飲呀~康伯~

康 : o下?!唔使啦~我幫你係舉手之勞姐~

澄 : 就當我真係想請你飲啦~收左去啦~而且綠茶好呀~健康又有益~

康 : ................

澄 : 要啦~

康 : 好啦~多謝你呀~

澄 :我多謝你就真~

康 : 係呢?!你叫咩名呀??

澄 : 我叫藍澄~你可以叫我澄~

康 : 哦~呀澄~再見啦~

澄 : byebye~

行左入屋~

澄即刻坐左係到~因為好累呀~咁大個女都未試過買咁多野~

澄將食物放好~之後就開始大掃除啦~

會唔會突然走左隻蟑螂出黎嫁~唔好呀~

好彩~到到澄掃完畢都發現唔到有~

屋裡乾淨得閃閃發光~

澄休息左陣就開始煮野~因為已經7:00pm啦~

澄所煮ga都係佢最拿手ga送~

澄將送菜放左係張檯~

之後就坐左係到等峰ga歸來~

待續...........

2008-7-26 02:13 AM `[嘉敏~'][
弊啦~到而家都未傾成~我重同佢講8:00點~峰有d不安~

x : 凌先生~凌先生~

峰(醒一醒) : 係~唔好意思~我地繼續啦~

哩個時候ga澄已經因為疲累而訓左~

。•。•。•。•。•。•。•。•。•。•。•

門戚o察一聲開左~

峰係10:16pm終於到達屋企~

佢放低手上ga公事包~

望下澄去左邊~

一望之下~峰不禁笑左出黎~

澄上半身訓左係sofa上面~下半身就係坐左係到~

澄頭上面ga頭巾重未除下~就好似d清潔女工人~不過細界上應該冇d咁可愛ga清潔女工~

間屋真係乾淨左好多~重閃令令咁tim~

峰行到好近澄~

粉紅粉紅ga臉蛋,高高ga鼻,小而帶有香味ga紅紅嘴唇~

峰輕輕咁摸澄ga面~

"o拍"好響ga一聲~

將澄同峰驚醒~

澄揉揉眼睛~

澄(望一望個鐘) : 你返黎啦~

峰 : 係呀~

澄望到檯上面ga飯菜~原封不動~澄睇到竟然有d傷心~

峰望住澄望ga地方~放左好多飯菜~3送1湯~

澄 : 你食左野啦~

峰 : 未呀~好肚餓呀~快d一齊起身食野啦~

澄(好開心咁笑) : 唔~唔好食住整熱先~

嘩~做咩咁腰酸背痛ga~

澄將d食物叮番熱~

澄 : 得啦~

澄一放低d送~峰就想偷食~

澄輕打佢隻手 : 我都未坐低你就偷食~

峰 : 咁得啦~

澄 : 得啦~食飯~

峰覺得好好笑~佢覺得叫人食飯係d小學生ga行為~

食左咁耐飯~澄總係覺得峰係到同佢作對~

澄 : 喂~好啦喎~凌冷峰我夾邊到你又夾邊到~咁大碟到到都唔夾~係夾我o個到~

峰其實開頭幾次真係咁o岩~但見到佢個樣好得意~所以之後佢係特登ga~

峰 : 係呀~我係特登嫁~

澄(激氣,有小小面紅) : 咁大碟你都咁~咁細細碟o個d我唔使食啦~你係咪對住個個都係咁嫁??

峰(唔知點解好鍾意激到佢面紅) : 唔係~我剩係對你一個係咁~

澄(激到面紅) : 你...........唔同你講啦~食野~

峰心裡面係到笑~真係好好玩~

過左一陣~

又開始激戰啦~

澄 : 我食飽啦~

峰 : 好啦好啦~我唔玩啦~食啦~

澄 : 唔係呀~我真係飽呀~

峰 : 你食咁小就飽??

澄 : 差唔多啦~你記住食晒佢啦~食完放係到啦~我遲D洗~

澄好累呀~所以冇咩胃口~想早D沖涼訓~

沖完涼之後~

澄即刻上左床~佢好開心呀~清潔好哩間屋~好安心咁訓左~

峰收拾好碗碟~就想睇下澄做咩~因為佢好似冇聲冇氣~

峰推開澄間房門~

佢見到澄訓左~唔知點解佢係到微笑~令人覺得有幸福GA感覺~好似天使正在散播幸福~

峰行左入自己間房~囉左d紙同筆出黎~

佢畫低左澄ga睡相~

真係好似天使呀~

峰不禁係澄ga背後加一對純白ga翼~

2008-7-26 02:14 AM `[嘉敏~'][
好肚餓呀好肚餓呀~澄刷牙之後就出左去煮野食~

峰係走廊聞到食物ga香味即刻加快腳步~

不得不提~澄煮ga食物就好似佢ga嘴唇一樣~色,香,味俱全~令人想一嚐再嚐~

澄 : E~早晨呀~o岩o岩好~有早餐食~

峰(輕鄒眉頭) : 今朝凍凍地~做咩咁蠢唔著番件外套??

澄 : 係咩?!唔係好覺~可能o岩o岩煮完野~...............(震左震)而家feel到啦~

澄入左房搵~點知搵極都搵唔到~之後出左廳搵~

澄 : 係邊呢?!係邊呢?!

咩人黎嫁?!又唔幫我手~真係好衰呀佢~

峰表面上係到好專心咁食澄煮ga早餐~!心入面其實係到諗緊會係邊~

澄 : 呀~呀~做咩你有哩隻碟嫁?!藉著雨點說愛你!o個時好想睇嫁~不過最尾冇睇~好後悔呀我~

峰 : 我都唔知呀~
重以為佢搵到~

呀~係呀~

峰 : 你件褸係咪白色有兩條粉紅色邊嫁??

澄 : 係呀係呀~你見過呀??

峰 : 跟我入黎~

峰行左入房ga衣櫃囉左出黎~

澄行左去書檯,拎住張畫紙好仔細咁睇~

峰擰轉頭~死啦~佢發現左?!

澄(望住峰) : 你畫嫁?!

峰冇出聲~

澄(望住幅畫) : 唔使唔好意思喎~你畫得好靚呀~望住幅畫~唔知點解有一種幸福ga感覺~

峰覺得望住真人更加幸福~

澄 : o個女仔邊個黎嫁??哦~我知啦~係你ga ex女朋友~不過佢真係好靚呀~如果我有佢一半就好啦~唔使啦~四分一就得啦~

峰覺得好好笑呀~究竟係佢失敗定係佢畫得真係好靚~佢竟然唔知o個個係佢~

澄 : 做咩呀?!想笑你就笑啦~唔使忍住喎~我都知我冇可能好似佢咁嫁啦~

峰真係笑左出黎~

佢笑得好好睇呀~點解佢唔鍾意笑ga?!澄一直係到望住峰~

峰(發現左) : 唔好再望啦~我驚你會愛上我~

澄 : o下?!你都傻ga~我係望左你一陣呀~如果你咁都話我會愛上你~咁你就一定係愛上左哩個女仔啦~

澄ga說話令峰驚覺自己好似真係鍾意左佢~

唔會ga!~峰同自己講~但佢對澄同對其他人真係好唔同~

澄 : 做咩呀?!唔好傻左啦~出去食野啦~

峰企左係到~最後佢同自己講佢咁樣對澄只不過係因為覺得佢好玩~佢特別~係佢自己好奇~佢相信自己好快就會解僱澄~

但事實真係咁咩??

澄 : 係呀~等陣可唔可以睇o個隻碟呀?!

峰冇出聲~

澄 : 好啦好啦~我真係好想睇呀~唔該呀~

峰 : 唔~

澄 : 好野~

洗完野~澄去左房到囉左本書諗住出廳睇~

峰見澄做完野~佢就播碟啦~

澄見到即刻坐係sofa~攬住本書~

睇到一半~澄眼睛已經紅左~眼淚係眼眶入面打轉~

終於~眼淚忍唔住咁留左出黎~

係套戲做完ga時候~澄行左入toilet喊~

澄唔鍾意比人知道佢喊~就算佢再想喊~佢都會忍住~唔比人知~等d人走晒先喊~但可能澄太眼淺啦~所以通常都忍唔住掉下一串串ga眼淚~

峰收起隻碟~佢見到sofa有本澄o岩o岩攬住ga書~即係佢借比澄ga其中一本書~

峰囉起本書~佢見到本書濕左~封面重有一滴滴ga水~應該係眼淚~

峰想像到澄攬住本書喊ga情景~個心有d抽住抽住ga感覺~

佢不知不覺咁行左去toilet ga門口~

澄一諗起套電影~眼淚就好自然咁留出黎~

過左一陣~

峰終於忍唔住輕輕吼門~

澄即刻洗洗面~見到自己雙眼冇咩喊過ga痕跡之後就開左門~

澄 : 唔好意思~

峰(不知不覺地溫柔) : 冇事呀??

澄(笑) : 梗係冇啦~

原來澄都覺得自己掩飾得好好,但微紅ga雙眼出賣左佢~

2008-7-26 02:19 AM `[嘉敏~'][
峰 : 你唔覺得好感人ga咩??

澄 : 係呀~我真係覺得真係好感人~不過唔知點解喊唔出~你唔係想喊呀?!

原來佢係咁唔想被人知道佢喊~

澄 : 我返房先~

佢唔會一個人係間房喊呀?!

峰 : 唔得~幫我補習~

澄 : 哦~

峰覺得今日澄講得特別唔好聽~係咪因為佢唔開心呢??

澄唔知點解一睇到或者知道一d慘ga野之後都會唔出聲~好down~好似投入左係悲傷ga情緒入面~

峰(拉住澄) : 走啦~

澄 : o下?!

峰 : 出去啦~

澄 : 換衫先~

峰一直拉住澄到停車場上車~

峰 : 你鍾唔鍾意聽歌嫁??

澄 : 唔~

峰 : 咁你鍾意聽d咩歌??

澄冇出聲~

峰 : 不如聽下d英文歌~好唔好~

澄 : 唔~

峰一直問左澄一大輪問題~澄都只係回應左一兩句~

佢今日咩事呀??咁多問題問ga??平時都係佢開口,重要講左好多好多野先聊到佢傾偈~佢回應都係得o個一兩句~唔通睇完套電影興奮得濟??

峰(冇耐性) : 喂~好啦你~10問9唔應~

澄 : 我想訓覺呀~

峰 : 哦~咁訓啦~

澄好想靜下~佢閉上雙眼~

峰望到澄~佢覺得好奇怪~樂觀ga人係咁ga咩??佢好似咁易唔開心ga?!............唔通........開朗只不過係佢ga面具??

過左好耐好耐~而家已經係6點幾~

峰 : 起身啦~到啦~

澄真係訓左~

峰 : 快d起身啦~到啦~

澄(面紅) : 做咩唉得咁近呀?!

峰(笑) : 再近d都得呀~

澄即刻開車門走左~

峰覺得澄好似冇咩事啦~

澄 : 你究竟帶我去邊呀??

峰 : 等陣你咪知囉~

峰(拉住澄) : 快d行啦~小心d呀~

過左一個高高ga圍牆~

澄見到前面ga美境驚訝得出唔到聲~

佢地而家身處係一個好大ga綠色草原~澄覺得哩到好靚呀~佢好鍾意哩到~

峰 : 行啦~

之後就行左去唯一一棵樹下躺下~

澄跟住峰~

佢地兩個都閉上雙眼~享受著小有ga寧靜~

峰 : 起身啦~

澄 : 你帶我黎就係睇日落呀??

峰 : 唔係ga~等一陣~唔好眨眼~唔係就會錯過左~睇下啦~

好靚~真係好靚呀~澄愛上這堷天空已不是藍色了,也不是那普通的橘紅色~一層層的顏色染滿天空~赤熱的火球雖然已落在對面的山後~但它所發出ga橘紅色仍未落下~近一些是柔和的黃色~近一些是淡綠和淡藍混合在一起的顏色~再一些是淡淡的藍色~漸漸地~天空上的顏色開始層層遞進~最後變成黑色了~

睇住澄雙眼發亮~峰覺得澄真係同哩到好合襯~

澄 : 好靚呀~真係好靚呀~哩到簡直係世外桃源~

峰 : 我一唔開心或者冇靈感我都會黎哩到~好啦~走啦~

澄望住峰g背影~澄竟然覺得有小小感動 : 好多謝你呀~

峰聽到哩句莫名其妙地好開心呀~

澄 : 我覺得哩到真係好靚呀~哩到真係好似d仙境~其實係咪你細細個o個陣有仙子或者天使帶你黎哩到嫁??

天使?!佢前面咪有大大個企左係到囉~峰微笑~

待續............

2008-7-26 02:23 AM `[嘉敏~'][
澄(好奇心發作) : 你點發現嫁姐?!係咪真係有天使呀?!定係仙女?!

峰冇出聲~好似好冷漠咁~不過其實佢心裡面有一絲絲ga開心~

澄 : 講啦~唔好咁啦~藍仙女?!小仙子?!唔通係小矮人?!

澄(嘟嘴) : 又唔講~講啦講啦~

峰唔想講~因為佢好享受而家ga感覺~比澄纏住ga感覺~

一陣之後~郊野ga風景變成市區ga熱鬧~

峰 : 落車啦~

澄 : 坐左咁耐車你都唔肯講比我聽~

峰 : 其實係我都唔記得啦~好似唔知係邊到見過一次~之後就識去啦~

澄 : 咁神奇?!

e~點解咁似.........真係佢?!點解佢唔係同呀進一齊ga??隔離o個個邊個黎嫁??黑黑地~好似陽光男孩o個隻~

澄即刻行左去搵佢~峰見到就跟住佢~

澄(指住佢) : 你同佢有咩關係??

做咩有個女仔指住我嫁??不過佢都幾可愛呀~講野又直接~

小凝見到就拉住澄 : 做咩呀你~唔好意思呀~呀烈~

澄 : 你唔係同呀進一齊ga咩??

哩個時候~呀進就出現啦~

澄(拉住進) : 係咪小凝蝦你呀??

進 : o下?!(之後就知咩事啦)哦~

凝 : 佢蝦我就差唔多~

進(笑+拖住小凝) : 你誤會左啦~等我介紹~佢叫呀烈~係我朋友黎嫁~

死啦~原來係我誤會左~等我重大大聲聲指住佢...........

澄(面紅) : 唔好意思呀~我唔知呀~

烈(笑) : 唔緊要~你叫咩名呀??

哩個女仔真係好得意~

澄 : 我叫藍澄呀~你可以叫我呀澄~

烈 : 好高興認識你呀~

進見到澄後面有個男仔~

進 : 你係............

澄 : 呀~係呀~佢係.......(工人呀?!)我個朋友呀~佢叫........(叫咩呢??)凌冷峰~

峰 : 你好~

小凝拉住澄 : 喂~你係邊到識到佢嫁??咁靚仔....呀~唔係~係型仔~

澄 : 哦~你想背叛呀進呀~

凝 : 梗係唔係啦~究竟你係邊到識嫁?!

澄 : 其實呢............佢就係........唔係~係我係佢ga補習老師+工人~

凝(好大聲) : o下?!

澄即刻掩住凝個嘴,望一望後面 : 嘻.........嘻~冇野呀~佢傻左姐~

澄 : 你做咩咁大聲呀??

凝 : 嘩~你呀好啦~日日都對住個靚仔~

澄 : 唉..........你唔好傻啦~

凝 : 係喎~你日日同佢對住~有冇............

澄(面紅+即刻答) : 冇呀~我唔鍾意佢~

凝 : 咩呀?!我都唔係講哩樣野~我係話你地兩個有冇.............咩呀~

講完之後~小凝即刻跑左去~

澄(面紅) : 死仔包~你同我企係到呀~唔好走~

澄一蹼就蹼左係小凝到~重兩個都跌倒~

佢地3個見到就即刻行近佢地~

澄望住小凝,小凝又望住澄~

正當佢地3個男仔係到驚佢地會爆發熱戰ga時候~

澄+小凝 : 哈哈哈哈哈..............哈哈.............

o下?!咁都得呀~佢地3個男仔都覺得女仔好奇怪~

呀進扶起小凝~

澄ga前面遞左兩隻手~一隻係峰,一隻係烈~

澄(搭住佢地兩個) : 唔該晒呀~

澄冇發覺烈同峰係到對峙緊~

待續.................

2008-7-26 02:28 AM `[嘉敏~'][
澄起左身~但佢地重未放手~

澄 : hello~hello~請問放得手未呢?!

峰同烈兩個一齊放手~

澄(拉住小凝) : 有冇事呀你??不過你有愛情滋潤就唔緊要啦~

凝 : 你重勁啦~兩個打孖上~

澄 : 咩意思呀??

凝 : 你睇下佢地兩個呀~兩個d眼神都係唔善意嫁~好明顯啦~

澄 : 你傻ga~如果唔係我同你講呀進鍾意你呀~你都唔知啦~所以冇可能啦~

凝 : 不過如果真係你會揀邊個呀??

澄 : 都話冇可能囉~唔係好好發夢啦~

凝 : 真係愈睇愈靚仔~

澄(大叫) : 呀進~有人話............唔.....唔........

凝(掩住澄個嘴) : 哈哈~冇呀~

進(行左上黎+拖住凝手) : 冇?!

澄就梗係好識做~比佢地兩個二人世界啦~

烈(笑) : o岩o岩你想講d咩嫁??

澄 : 哈哈~佢話佢想去郊外旅行~咁我咪幫佢通傳下囉~

澄(拉住峰ga手臂) : 係呀係呀~我地幾時再去過o個到呀??

峰(自信咁笑左一笑) : 你想幾時咪幾時囉~

澄 : 做咩好人左咁多呀你?!

澄 : 嘩~你個電話好得意呀~

烈(唔好意思) : 哈哈~其實呢~係我出門口心急得濟囉錯左我細妹o個個~

澄(囉左佢部電話) : 哈哈!唔係喎~都幾襯你喎~

烈(唔好意思+搔頭) : 哈.......哈哈~

澄(笑) : 你好得意呀~

凝 : 去哩到食啦~

澄 : 嘩~你都幾識食喎~去間咁貴ga食~實係呀進寵壞你啦~

凝 : 咩呀?!去啦去啦~

澄 : 食一個飯ga錢等於我使半個月喎~

峰(拉住澄入去) : 行啦~

澄佢地坐左張6人檯~進同小凝坐同一邊~

峰 : 坐哩到啦~哩到唔係冷氣位~

峰ga位置隔離左烈~

烈 : 你驚凍嫁?!咁你不如坐中間啦~有兩個人係隔離暖d呀~

澄 : 哦~又係喎~

澄(指住小凝) : 喂~李芷凝~你笑咩呀?!重要笑得咁奸~(坐左去小凝隔離)

凝(細細聲) : 都話佢地對你有興趣啦~出晒面啦~

澄 : 冇呀~唔覺囉~

凝 : 呀峰對你好唔好嫁??有冇使人唔使款呀??

澄(笑) : 你同人識左唔係好耐嫁咋喎~你就叫人呀峰啦~我都未叫啦~

凝 : 車~咁你點叫呀??

澄 : 諗落~我好似未叫過佢個名~

凝 : o下?!唔係呀~

澄 : 係喎~

凝 : 所以話你蠢就蠢啦~都唔識把握機會ga~

澄 : 你唔好傻啦~我冇興趣呀~係呀~好耐冇見過小鶯啦~不如打比佢呀~

凝 : 講開又係喎~好呀好呀~

澄 : 喂~小鶯呀??

鶯 : 係呀~(好似好驚)咩事呀??

澄 : 做咩呀你~打比你同你傾下計咋喎~我真係咁惡ga咩?!

凝 : 你梗惡啦~

鶯 : ......唔係.........我唔得閒呀..........唔同你講啦~byebye~

澄 : 死仔包呀~佢收我線呀~唔知點解我覺得佢有d唔妥呀~

凝 : o下?!咩事??

澄 : 唔知呀~唔好真係有時就好啦~

鈴~鈴~鈴~

澄 : 喂~

安 : 小澄澄~做咩唔打比我呀??

澄 : 你唔好咁叫我啦~接受唔到呀~傻安安~之前唔得閒呀嘛~~係呀~快d出黎啦~join我地啦~

安 : 出黎做咩呀??

澄 : 食飯囉~o個間xxxxxxxxxxxxxx呀~

安 : o個間~好貴喎~

澄 : 快d出黎啦~最多我請你啦~

安 : 但我等陣約左家家喎~

澄 : 咁就重o岩啦~出黎啦~傻安安~

安 : ............

澄 : 介紹男仔比你識呀~你一定o岩呀~小凝話好掂tim呀~

安 : 咪傻啦~好啦好啦~我出黎啦~byebye~

澄 : 好野~約到安安出黎呀~

凝 : 好耐冇見啦喎~佢係咪重叫你..........

澄 : 唔准叫~

凝 : 做咩姐~都幾好聽呀~

烈 : o下?!~澄叫咩呀??

澄 : 信唔信我講你o個個出黎呀啦~

凝 : 你敢咩??

澄 : 你唔講我咪唔講囉~

凝 : 好呀~我應承你~小澄澄~

澄 : 嘩~你好野呀~豆豆~

之後坐返埋位~

峰同烈好似係到忍笑~

澄 : 做咩呀~想笑你就笑啦~

烈 : 唔係呀~o個名好得意呀~

峰(笑) : 小澄澄~

澄(面紅) : 唔好咁叫呀你~唔准叫~

峰 : 做咩呀~小澄澄~

澄(面紅) : 唔同你講啦~ :p

凝 : 嘩~有人面紅~

澄 : 紅咩呀紅~豆豆~

進(笑) : 點解佢叫豆豆ga~

凝 : 你試下講呀~

澄 : 睇下點~

烈 : 你有冇彈鋼琴嫁??

澄 : 我呀?!冇呀~想就想~冇錢學呀~

烈(捉住澄隻手,仔細咁望) : 但你隻手係鋼琴手黎嫁喎~你隻手好o岩彈鋼琴~一定彈得好靚~

嘩~哩個人呀~係到抽水~

峰 : 小澄澄~你好蠢呀~

澄(抽手) :蠢咩呀蠢~蠢唔過你呀~

啪~

更大ga啪一聲隨後響起~

待續..............

2008-7-26 02:29 AM `[嘉敏~'][
咩事??

原本ga第1聲啪係因為呀烈跌左鎖匙~

第2聲係澄同烈頭撞頭ga巨響~

澄 : 呀~

烈 : 有冇事呀你??

澄(搓) : 嘩~你係咪鐵頭仔黎嫁~咁痛ga~

烈 : 係呀~我成日都比人話係~有冇事呀你~(摸下澄ga痛處)

澄 : 哈哈!冇事~

烈 : 紅左啦喎~重有小小腫腫地~

澄 : 冇事ga~

峰見到哩個畫面~唔知點解無名火起~

峰 : 藍澄~望過黎~

點解聽佢把聲~佢好似有d嬲~有d凍ga?!

澄轉身望住峰~

峰見到澄左上方ga額頭紅左,重有小小腫腫地~心裡面莫名其妙ga怒火瞬間熄滅~反而唔知點解有小小痛心~

峰(摸下) : 你有冇事呀??痛唔痛呀??

澄嚇左一跳~唔知點解係佢輕摸佢ga時候佢竟然有小小過電ga反應,重心跳加速tim~

澄 : 冇事呀~哈.......哈~

峰 : 紅左喎~

進同凝覺得佢地好有一種情侶ga感覺~

澄(面紅紅) : 冇事~

澄好奇怪點解烈摸下佢ga額頭佢冇咩感覺,只係有哥哥ga感覺~但峰............

待續............

2008-7-26 02:31 AM `[嘉敏~'][
哦~我知啦~梗係比凌冷峰摸完嚴重左~連個心都有問題~佢真係我ga瘟神~

澄 : 唔好意思~我要去toilet~

凝 : 我又同你一齊去~

凝 : 係咪好sweet呀??

澄 : 咩呀??

凝 : o岩o岩呀~

澄(瘟神) : 哦~你都傻ga~你唔好亂講野呀~出去啦~呀!~唔好意思呀~

x : sorry~

澄 : 哦~原來你安安呀?!喂~你做咩撞我呀??特登嫁??

安 : 係呀係呀~我特登ga~咁點呀~

澄 : 冇咩點~比我打一下囉~

安 : 哦~彩你都傻~

凝 : 好啦好啦~你地咁講都唔知講到幾時~返去啦~

安 : 好呀~係呀~我o岩o岩呢~係到見到3個靚仔坐左係到~

安安講完就窒左~

因為好似比佢地3個聽到~

澄 : 哈哈~你好傻仔呀~

安 : 咩呀~最衰都係你~

凝 : 哦~原來關我事ga~對唔住喎~

澄 : 哦~原來係我迫你講ga~真係唔好意思啦~

安 : 冇野好講啦~

澄 : 哈哈~坐啦~

安安坐係凝ga near~

凝 : 等我介紹啦~哩個係呀進~

澄 : 係小凝ga男朋友~

凝 : 咪嘈啦~哩個係雷烈光~

澄 : 係呀進ga朋友~

凝(睥住澄) : 哩個係凌冷峰~哩個你唔使講啦~佢係澄ga...............朋友~

待續...........

2008-7-26 02:36 AM `[嘉敏~'][
澄突然之間係到笑~

峰 : 你笑咩呀?!

澄 : 你地兩個個名好相反呀~一個熱一個凍~究竟你地溝唔溝得埋呀啦~

凝+安 : 係喎~醒唔起tim~

峰同烈都係到諗我地兩個應該唔會溝得埋嫁啦~

凝 : 食野啦~好肚餓~你哩個安安太慢啦~

澄 : 你唔怪得佢~熊貓ga行動一向都好緩慢~

凝 : 咁又係~

安 : 我實記住你呀~藍澄~

澄 : 好呀好呀~慢慢記啦~不過唔好記記下鍾意左我就得啦~

安 : 好想嘔呀~我唔係gay嫁~唔好意思~

澄 : 放心~我都唔係~我都係提醒下你姐~

進 : 好啦好啦~再咁講唔使食啦~

食飯咁耐~安安同澄,小凝一直都係到好似嗌交咁~

點解?!

唔知點解~好鍾意咁玩安安~因為覺得佢好好笑~次次想駁返轉頭佢都講唔出野~真係好好笑~

凝 : 嘩~d甜品好靚呀~

澄 : 好想食呀~

安 : 雖然好飽~但都好想食呀~

澄 : 算啦~熊貓安安~你食竹咪得囉~唔好攪咁多野啦~

凝 : 係囉~快d返返動物園~唔係d管理員會發嬲~連竹都冇得你食呀~

澄 : 唔係喎~你食左可能會病呀~熊貓唔可以亂食野嫁~

安 : 咁你又點呀??蘋果~你比人整成蘋果批咁比人食就得~

凝 : 係囉~你有見過蘋果批比蘋果食ga咩???

安 : 你食自己d同類~真係殘忍~

澄 : 什麼什麼~我聽唔到呀~你又點呀??豆豆~你唔可以再係咁啦~等陣又肥左就唔好啦~

安 : 到時呀進唔要你就真係唔知點啦~

澄 : 算啦~你忍下口啦~

進,峰同烈都覺得好好笑~佢地講左好多野~重有點解唔每人叫一個呢??

峰 : 算啦~你地一人叫一個啦~

澄 : 聽到啦~唔好再嘈啦~

安安就要左蘋果批,小凝就要左士多啤梨蛋糕~澄就要左藍莓芝士蛋糕~

安 : 係喎~豆豆係咪因為有一次同佢出街,佢蹲左係到鞋帶~有一個拖隻狗出黎ga人以為佢係佢隻狗豆豆~所以係到摸佢個頭~

澄 : 哦~你死啦~你將要比人追殺~

凝ga可怕目光望住安安~

進係到大笑~

進 : 你咁可愛~人地話你係狗隻都唔出奇呀~

澄+安( :p) : oh~救命呀~想嘔~

嘩~好sweet sweet呀~凝餵呀進食蛋糕呀~

澄 : honey~呀~

安 : 唔~真係好食~darling~

澄 : 甜唔甜姐~honey~

安 : 甜唔過你啦~darling~

澄+安 : 嘩~好想嘔呀~

澄 : 我地玩下都覺得好毛管楝~你地真係.........

安 : 真係好恐怖呀~

凝 : 咩呀?!你羨慕呀??!

安+澄 : 唔好意思~一d都冇~

安 : 係呀~若藍之前有冇打過比你呀?!

澄 : 做咩呀?!掛住人呀??

安 : 痴線~

澄 : 我搵到工之前佢有打過比我~哈哈~佢重叫我放心啦~實搵到ga~

究竟若藍係邊個?!男仔?!

安 : 佢好似好耐好耐之前有打過比我~又係到串我~

澄 : 你唔知啦~你真係好好玩嫁~唔信你問下凝~

凝 : 好傻仔~好好玩~成日冇端端係到笑~

安 : 你地都傻ga~我不知幾正常~死啦死啦~遲大到~走先啦~

澄 : 哦~咁快d啦~小心d喎~

凝 : 喂~錢呢??唔使比呀??

澄 : 我比啦~我請佢~

烈 : 咁我地都走啦~

峰 : 等我請啦~

烈 : 唔好ga~點可以令你破費呢??

峰 : 我比啦~唔使爭~

烈 : 係我ga~

峰 : 邊個話係你ga?!我ga!~

澄 : 好啦好啦~你地唔好我黎我去啦~輪流囉~

峰 : 今次我比~

嘩~食左唔小錢呀~

峰 : 我有開車黎呀~車你地返去呀~

凝 : 好喎~真係唔該晒啦~

峰 : 等我一陣~我開車黎~

烈 : 點解你地兩個好似咁熟ga??

澄 : 係咩?!唔係呀~我同你夠熟啦~

烈(笑) : 哈哈~咁我得閒call你出黎得唔得先??

澄 : 梗係得啦~

峰 : 上車啦~

好自然地澄坐係前面~凝,進同烈坐係後面~

烈 : 澄~你d頭髮好香呀~

澄 : 係咩??唔係呀~

烈(摸下) : 你用咩洗頭水嫁??我都想轉用下喎~

澄 : 係咩呢???好似紅色嫁~唔記得左~

哩個人呀~摸完人地隻手就摸頭髮~

峰 : 烈~你最好坐好d~唔係等陣有咩意外就唔好啦~

待續............

2008-7-26 02:37 AM `[嘉敏~'][
澄 : 小凝~呀進~係哩到落車啦~

凝 : 差小小到我屋企樓下啦喎~咁都唔車埋我地去?!咁衰嫁你~

澄 : 唉~好心著雷劈~我諗住比d時間你地2人世界咋嗎~咁都被人話衰~而且等陣有咩兒童不宜ga鏡頭咁點算呀~

凝 : 真係多謝晒你囉~咩兒童不宜呀?!你講野小心d喎~

澄 : 唔知啦~重知我哩d兒童唔o岩睇~

進 : 好啦~我地落車啦~byebye啦~

凝 (:p) : byebye~

烈 : 你咁都諗到呀?!

澄 : 梗係~

峰 : 烈~你住邊嫁~

烈 : 我住xx花園~

澄 : 私人o個d呀~

烈 : 係呀~得閒上黎參觀下呀~

澄 : 好呀~睇下你屋企係點先~

烈 : 唔知可唔可以比你個電話我呢?!

澄 : 好呀~xxxxxxxx~

峰 : 到啦~

烈 : 唔該晒啦~有機會ga話~下次再見啦~

澄 : byebye~

澄 : 做咩唔出聲呀~

峰 : 有呀~

澄 : 適字如金咁喎~

峰又冇出聲~

澄 : 你呀~唔好成日都唔出聲啦~出下聲好喎~

峰 : 開緊車呀~如果你想抄車我都唔介意ga~

澄 : oh~sorry~sorry~

•。•。•。•。•。•。•。•。•。•。•。•。•。•。•。•

第2日~澄照常好早就起左身~

峰過左一陣先出黎~

峰 : 做咩傻左坐係到呀?!

澄 : 冇呀~本身諗住煮早餐~但你又未起身~想睇書又發覺d書係你到~想開電視又發覺哩個係人地ga屋企~唔可以隨便攪人地屋企ga野~想打電話又發覺咁早佢地未起身.............所以咪坐左係到囉~

峰 : 隨便得啦~當係你自己屋企咁~唔使咁驅僅~

o麥我有自己ga屋企ga咩?!澄苦笑~

峰 : 做咩呀?!

澄(笑) : 冇呀~

鈴~鈴~鈴~

澄ga手提終於得償所願咁響起~

澄 : 喂~

堂 : 係我呀~伯伯呀~你記唔記得呀??

澄即刻行左入佢間房 : 記得呀~請我做野o個個伯伯呀嘛~

堂 : 你有冇嬲左我呀??

澄 : 冇~嬲咩呀?!咁愛惜自己ga仔ga好爸爸我嬲唔落呀~

堂 : 咁呀峰有冇對你做d咩~攪到你喊呀?!

澄 : 冇ga~其實佢都幾好人呀~

堂(o下?!好人~以前o個個都話佢好差~) : 真係?!冇呃我呀~

澄 : 冇呀~

堂(咁即係冇揀錯人啦) : 咁呀峰有冇唔舒服o個d呀~

澄 : 係我監護之下~健健康康咁啦~

堂 : 係呀~你同我讚讚佢話佢做得好呀~呀~都係唔好啦~唔好比佢知道我打電話黎~

澄 : 點解姐?!我唔明點解你咁愛惜你個仔~但唔可以比佢知?!

堂 : ..................重之就唔好講啦~好啦~我要開會啦~byebye

澄 : 喂~喂~

澄真係有小小激氣~惜o個仔又唔係壞事~點解唔講得比佢知~個仔又以為佢呀爸唔理佢............

峰 : 做咩呀?!邊個打比你呀?!呀烈呀?!

佢個腦只係諗到哩個名~

澄 : 你真係咁想知咩?!

峰冇出聲~

澄(激氣中) : 係你爸爸打比我嫁~你爸爸好關心你呀~打黎問我你有冇唔舒服呀~有冇咩事~

峰又冇出聲~

澄坐左係峰隔離~

澄 : 究竟點解你好似咁唔鍾意你爸爸呀??

峰 : 好細個個時~我爸爸成日掛住做野~唔理我同我媽媽~次次我好期待同爸爸出去玩~佢都係永遠有野做~佢好似重視工作多過重視家人~

澄 : 咁你有冇諗過你爸爸點解要咁做呢?!佢都係想你同你媽媽ga生活好過d~佢咁做都係為左你兩母子~雖然佢係放棄左同你地一齊ga時間~但佢得到ga回報咪就係你地ga富裕囉~(憂鬱)父母健在並唔係必然ga事~如果你而家唔孝順你父母~將來可能冇機會嫁啦~

峰將澄講d野重覆不斷咁諗~終於佢都有小小覺悟啦~

澄一直呆左坐係到~眼神呆滯~峰諗起澄最後o個幾句話~

峰 : 咁你父母呢??

點解佢會講哩句嫁?!佢o岩o岩只係諗緊............講左又收唔返.............

澄(笑) : 我父母唔係到啦~我去煮早餐~

峰覺得自己真係好蠢~做咩佢要問哩個問題~不過佢開始發現弱小ga澄背後真係背負著一個好大ga困擾~哩個問題應該係因為佢ga父母~

澄一邊洗個獲~一邊係到諗佢ga父母~

澄眼前只係見到佢爸爸媽媽比車撞到o個一刻~o個畫面不斷重覆~不斷重覆~

好多聲"達" "達"聲~峰聽到即刻跑左入廚房~

佢只係見到澄傻傻咁囉住d油企係到~獲上面d熱油不斷彈起~峰即係用個蓋蓋住個獲~之後熄火~

澄係哩個時候終於醒啦~

峰即刻睇下澄有冇事~隻手比d熱油彈到起左好多水泡~

峰 :該死∼你做咩一直企係到呀~

之後峰拉住澄去洗手盤o個到用水沖傷口~

峰 : 有冇事呀???

澄 : 冇呀~冇呀~

峰 : 對唔住呀~係我...............

澄 : 都唔怪你事~係我白痴~企係到發夢~

峰覺得好對唔住澄~

待續................

2008-7-26 02:41 AM `[嘉敏~'][
一直落去~澄都係呆左~目光呆滯咁~

峰帶左澄入房~而且囉左D紗布呀,繃帶呀~包紮澄GA傷口~

澄次次諗起佢爸爸媽媽都會好傷心~唔知係因為佢爸爸媽媽GA死為佢帶黎太大ga陰影~定係佢令到佢...................

唔可以喊嫁~藍澄~你好堅強嫁嗎~澄不斷同自己講佢係一個好堅強ga人~唔可以喊~

但眼淚不禁滑下~

峰見到澄咁樣,唔知點解覺得自己都有一種憂傷係個心到飄浮~係因為澄嗎?!

澄感覺到面上濕濕地~佢知道自己一定又係忍唔住~

澄用冇受傷ga右手抹走面上ga眼淚~隨即破涕為笑~

澄 (笑) : 哈哈~唔知點解咁痛ga~

峰知道佢根本就係搵藉口~表面ga痛同心裡面ga痛根本冇得比較~

哩個時候ga峰同澄一樣~心裡面慢慢開始痛~重好似愈黎愈嚴重~~

點解佢重要扮好開心咁呀?!不如喊出黎重好啦~忍住真係好辛苦~

係因為我係到嗎?!

峰冇出聲咁就走左出去~但係佢係門口到停左係到~

澄知道峰出左去之後~佢就開始決堤~眼淚不停咁流~

峰隔住個門聽到澄低聲飲泣~

我究竟點樣先可以幫到佢?!

峰真係好想好似佢而家咁~可以守護住澄~趕走d傷害到佢ga野~

峰坐左係門ga外面~

藍澄~點解你咁失敗?!點解你唔可以再堅強d?!點解你要喊?!點解你會比人睇到你自己唔開心ga一面?!點解你會令你ga父母死亡?!藍澄~我真係好憎你呀~

我好憎我自己呀~澄ga眼淚流得更多~喊聲亦愈黎愈大~

澄ga喊聲就好似一把刀仔~不斷割裂峰ga內外~

藍澄~你唔可以再喊~你已經夠衰嫁啦~你要再堅強d~唔可以咁~

澄慢慢咁停止哭泣~用力咁抹乾面上ga淚珠~

峰聽到澄ga喊聲慢慢咁停止~佢即刻企起身~走左去客廳到扮冇野咁睇電視~

澄等到自己ga眼回覆原來咁先出去~

澄見到峰冇野咁睇電視~佢覺得有d唔開心ga感覺~但佢又點知峰一直都係到諗緊佢ga事呀~

澄 : 肚餓未呀?!我煮野比你食呀~

峰(唔比佢入廚房) : 都係唔好啦~費時等陣你燒左我個廚房~到時點算呀?!

澄(激氣) : 咩意思呀你~即係話我手勢唔好啦~

峰(唔係唔好~等陣又亂諗野傷埋右手就........) : 唔.................算啦~唔好講啦~我煮啦~

澄( : p)

竟然話我煮野唔好食~你煮飽去...............激死人啦~

峰 : 煮完啦~食啦~

澄(睇下你煮成點) : 好呀~

嘩~真係唔差喎~...........雖然重差過我................

峰 : 點呀~係咪好睇過你o個個呀?!

澄(激氣,激到面紅) : 邊個話嫁?!起身啦~唔好發夢啦~

峰係到笑 : 算啦~我知你係唔抵得~

澄(面紅) : 邊個唔抵得呀?!~你係咪傻左呀?!

係呀~我係傻左先會同你玩~

峰冇理澄~但又偷偷地望澄~睇下佢有咩反應~

哈哈~澄面紅到好似蘋果咁~即係佢冇咩事啦?!

不過.............我一定要幫澄打破佢父母留比佢ga陰影~

待續.................

2008-7-26 10:34 AM `[嘉敏~'][
食完d碗碗碟碟都係由峰包辦~

點解?!

峰 : 等陣你打爛晒我d碟點算呀~

你好呀你~凌冷峰~我一定會記住你tim呀~

澄入左房換左套衫~因為佢諗住出去買送呀~

澄就黎著好鞋ga時候~

峰 : 你去邊呀~

澄 : 幫送呀~

峰 : 等埋我~

澄(我有冇聽錯) : o下?!

峰冇理澄~入左房~

做咩佢次次都係咁嫁?!d野只係講一次~如果我聽唔到點算呀?!

峰 : 行得~

澄 : 你真係去呀?!我去街市喎~好嘈,地下好濕o個d喎~

峰用佢冰冷ga目光望住澄~好似叫佢唔好要佢講多次~

澄 : 行咪行囉~

佢係咪由冰山做成嫁?!點解佢重係咁凍ga?!個樣好似成日都係o個個,唯一唔同ga時候就係係到笑我~正衰人~究竟點樣做先可以令佢解凍呢?!人地想將d凍肉解凍就話將塊肉放係加有鹽ga水到~

峰(拉住澄) : 到啦~阻住人地呀~

同哩個傻傻地ga人出街真係唔係一件好事~傻左咁楝左係到~

澄 : 呀~唔好意思呀~

康伯唔係到ga?!

一出到個大門~

就已經有好多人望左過黎~

唔係呀?!冰山真係有咁大ga魅力?!

澄十分之咁唔習慣~佢越行越遠~唔想同峰並排~

哩個凌冷峰真係當人冇到嫁~好似完全唔當其他人存在~正一自大狂~

峰 : 你要行去邊呀?!

澄 : 冇呀~行快兩步姐~

行去街市會經過ga一個公園~唔知點解多左好多人~

x : 光仔~你唔好有事呀~

y : 點解d血止唔到ga?!

澄聽到拉住峰 : 喂~o個到有事發生呀~

峰完全聽唔到咩事~只係見到好多人~

z : 再係咁流個細路可能有生命危險~

澄 : o麥你咁嫁~重企係到~你唔去我自己去~

哩個時候ga峰已經行緊過去~

澄即刻跟住~

峰同澄見到個細路仔隻手唔知比咩割趁~好似傷得好深~

而個細路仔重有知覺~不斷係到喊~

澄 :你地可唔可以退後d呀?!小朋友~唔好喊啦~

d人開始退後~

x(細路媽媽) : 光仔~唔好喊啦~你好返~媽媽帶你去上天空呀~

澄(囉左件手手巾o禁住佢ga傷口,好溫柔咁講) : 光仔呀~你未埋對眼先啦~

峰好想知佢究竟攪d咩~

光仔合埋左對眼~澄都合上雙眼~

澄(溫柔) : 你見唔見到你前面有一棵好高好高ga樹呀~佢通向天嫁~你唔係好想去天空睇下係點ga咩?!o岩啦~慢慢啦~唔使急嫁~你亦都唔使驚~你唔會跌落黎嫁~因為我會接住你~

奇蹟好似出現左~個細路冇再喊~澄好似有魔力咁呀~

澄(溫柔) : 你睇下~係咪好靚呀~個天比我地係下面睇更加藍~你摸下d雲~係咪好柔軟呀~

光仔竟然係到笑~好似好開心~咩痛都冇咁~

澄 : 你試下訓落去呀~好舒服嫁~唔使驚~你唔會跌落去嫁~我一直會陪住你~

光 : 姐姐~我跌左落去~你記住要張大對雪白ga翅膀接住我~

聽到ga人都覺得好奇怪~只有峰知道咩事~峰微微笑~

澄(輕柔) : 係咪好眼訓呀~埃係我到訓啦~

光仔發出輕微ga呼吸聲~好似真係訓左~

哩個時候~澄張開佢ga眼睛~佢望下光仔隻手~

澄(笑) : 好啦~止左血啦~

佢地企晒係到~呆左~o岩o岩咁多人都攪唔掂,佢一陣就攪得掂~重哄到個細路訓左~

峰抱起左個細路~跑左去急証室~

澄 : 姨姨~同我地一齊去急証室呀~

姨 : 哦~好呀~係呀~真係唔該晒你~

澄 : 唔使~我都冇做咩~

到左o個到~峰將光仔交左比一個醫生~

澄 : 姨姨~你唔使咁擔心~光仔一定冇事ga~

姨 : 都係我唔好~睇唔住光仔~

澄 : 冇事冇事~如果你真係唔想再發生d咁ga事~以後就要好好睇住光仔啦~

姨 : 唔~我會嫁啦~

澄 : 你坐陣先啦~姨姨~

澄行左去峰隔離~

澄 : 你都唔係咁凍姐~

峰 : 咩呀~

澄(笑) : 冇野啦~

醫生出左黎~

doc : 好彩個小朋友帶得黎早~唔係就會流血不止~

光仔媽媽覺得好奇怪~佢之前真係諗唔到要送光仔黎~而家已經係好耐之後~

doc : 你知唔知道係邊個幫佢止血嫁?!

澄 : o下?!唔知呀~我地都係走先啦~再見啦~姨姨~

澄拉住峰走左~

澄 : 係咪開心左好多呢?!

峰冇出聲~

澄(篤一篤佢) : 我知道你係咁諗ga~

峰(捉住佢) : 你隻手?!

澄(睇下) : 咩事~e~係喎~

待續............


發生咩事?!大家估下啦~

2008-7-26 10:35 AM `[嘉敏~'][
澄隻手有一條好深ga傷口,深ga程度可以比美光仔o個條~

e~點解個傷口位置同光仔一模一樣~

究竟點解?!峰好疑惑~

峰用紙巾o禁住澄ga傷口~

峰(拉住澄) : 去醫院~

澄聽到醫院即刻好反感~

醫院係佢爸爸媽媽離逝ga地方~澄真係好唔鍾意哩個地方~

澄 : 我唔鍾意o個到~

峰拉左澄去一個有得坐ga地方~

澄 : 今日真係好黑仔呀~

峰 : 你係邊到整到嫁?!

澄 : 唔知呀~完全唔知咩一回事~可能o岩o岩比野整到掛?!

該死~點解用左成班紙巾都止唔到血ga?!

峰冰冷ga眼神終於顯得著急啦~

做咩佢見到人地受傷先唔凍嫁~唔通我應該自己整傷自己?!

澄苦笑~眼見染血ga紙巾越黎越多~

澄輕輕咁將手放係峰ga上面~

峰感覺到澄隻手暖暖地~又唔係熱得令人透唔到氣~反而係好舒服~而且有一種奇怪ga微妙感覺~

待續............

2008-7-26 10:36 AM `[嘉敏~'][
澄(放低隻手) : 我好眼訓呀~可唔可以借你個膊頭比我呀~

講完~澄就埃左係峰到~訓著左~

澄ga傷口慢慢咁停止流血~

澄突然講左句 :多謝~

究竟係佢真係想多謝佢呀~定係發夢有人幫左佢想多謝人呢?!

峰唔知道~不過佢覺得而家有d奇怪,但又覺得有d幸福ga感覺~

過左1個鐘之後~澄慢慢張開眼~起左身~

澄(揉揉眼) : 真係唔好意思啦~你累唔累呀~

峰 : 冇野~

澄睇下手錶~

澄 : 嘩~成3點嫁啦~走啦~快d去買野啦~

賣魚ga叔叔 : 靚女~黎買魚啦~我d魚好新鮮嫁~

澄 : 大叔~邊d魚最新鮮先?!

叔 : 黃花魚,紅衫魚~o岩o岩到ga~

澄 : 你想食咩魚呀?!

峰 : 是但啦~

叔 : 好sweet~新婚第1次黎買送呀~

澄(尷尬) : 真係識講笑~咁就黃花魚啦~

買完澄就即刻走左去買菜~

賣菜大嬸一見到澄同峰就話 : 你咪救左個細路o個兩個人~

澄 : o下?!唔係~你地認錯人啦~

嬸 : 係就係啦~唔使唔認啦~而家周街都知啦~你要買咩呀~我便宜d賣比你~

澄 : o下?!

嬸 : 菜心今日靚呀~買1斤我送多半斤比你~

澄 : 唔得~點可以咁呢~唔可以呀~大嬸~

嬸 : 我話得就得啦~靚仔~抽住~

峰真係好聽話~

澄 : 唔得呀~

澄囉左1斤半ga$$比左個到ga1個伙計~

澄 : 多謝大嬸~

之後即刻走左~

接落黎佢地去到到都係咁.............

澄 : 最後要去士多~

澄 : 唔該兩枝蘋果綠茶~

好彩o個到ga人並冇好似頭先咁~佢地兩個好快就走到~

澄 : 飲唔飲呀?!

峰 : 唔使啦~

突然1個女仔拉左澄去偏僻一角~

佢竟然跪左係澄前面................

待續.........

2008-7-26 10:38 AM `[嘉敏~'][
峰見到澄比人拉左去~佢就第1時間追左上去~

追上去之後~竟然見到個女仔跪係澄面前~

澄嚇左一跳~重諗住有人要打劫佢~

個女仔應該細澄1,2歲~雖然個樣就同澄差唔多.............

澄 (跪低): 妹妹~做咩事呀?!唔好咁啦~

x (喊) : 你幫下我啦~我求下你啦~

澄 : 你唔好咁啦~唔好喊~話比我聽咩事先~

X (喊) : 我一出世就冇左爸爸媽媽~

澄個心震左震~流露出更多GA溫柔~佢輕輕咁攬住O個個女仔~

X : 出世到而家都係我公公帶大我~到左我8歲GA時候~我見到我公公開始愈來愈冇記性~到左我13歲~佢完全唔記得晒所有野~行動都開始有問題~我由O個時開始就搵工做~我好想醫好我公公~我好想佢記得我~縱使係一瞬間都好~

澄聽到好感動~差小小就喊左出黎~

X : 我知道你可以幫到我嫁~你幫下我啦~縱使係一刻都好呀~求下你啦~

澄都好想幫佢~但佢有D咁GA能力咩?!佢唔想幫唔到佢GA時候~令到佢更傷心~

X : 幫下我啦~姐姐~

澄諗左好耐~

澄 : 好啦好啦~我試下嫁咋~唔得你唔好唔開心~你應承我~得唔得先?!

X : 得~得~

到左X GA屋企~雖然係好細~但係好整齊~

梳化坐左一個老人~旁邊有一張輪椅~

澄行左去老人GA前面 : 老伯伯~你好嗎?!

老伯冇反應~

澄諗到X一定做左好多野,但伯伯都冇反應~佢一定好傷心~

澄雙手握住老伯GA雙手~輕閉雙眼~心裡默念著~

過左一陣~正當x同峰以為澄失敗左ga時候~

待續,.............

2008-7-26 10:40 AM `[嘉敏~'][
老(摸澄個頭) : 乖啦~乖女~

澄(張開眼睛) : 老伯~乖女ga唔係我~係你ga孫女~

澄拖住x隻手放係老伯隻手上面~

x(喊) : 公公~你記唔記得我呀?!

老伯(笑) : 你係我ga乖孫~雪雪呀嗎~

澄好開心咁望住峰~之後就拉住峰走左~

行左幾步~澄有小小頭暈ga感覺~所以搖一搖頭~

峰 : 你冇事呀?!

澄(笑) :冇呀~

峰 : 你o岩o岩做左d咩呀?!

澄 : 冇呀~我心裡面係到叫伯伯醒下啦~你個孫女好掛住你o個d囉~不過估唔到真係有效~

峰覺得好奇怪~究竟點解?!

暈ga感覺愈來愈嚴重~澄ga面色開始難睇~澄不斷搖頭~

峰 : 喂~你冇事呀?!

澄(笑) : 冇~可能頭先曬得濟~有小小暈~

峰 (扶住澄) : 就黎到啦~等一陣~做咩d life咁耐嫁~

康伯 : e~呀澄~你面色好差喎~做咩事呀~

澄(扮精神) : 哈哈~梗係冇事啦~e~康伯~做咩放個杯係到ga?!

康 : 我唔記得帶水黎~等陣有人黎替我一陣~

鈴~鈴~鈴~

管理處竟然有電話響?!

康伯去左聽電話~~

諗左陣~係喎~

澄將一枝蘋果綠茶放左係杯ga隔離!~

峰(拖住澄) : 有life啦~快d走啦~

出life ga時候~

澄感覺到暈ga感覺好嚴重~好似就黎要訓低~

峰 : 喂~等陣~

峰一路扶住澄,一路開門~

峰扶澄去左梳化~

澄(扶住梳化) : 你快d放d送入去雪櫃~唔係會變壞嫁~快d去啦~

峰好唔情願咁放晒d野入廚房~之後好快咁出返黎~

係哩個時候~澄已經就黎暈低~

峰即刻接住澄~

峰(心急) : 澄~澄~

澄都係冇反應~

峰即刻抱澄入房~

佢將澄慢慢放左係佢張床~

峰望住澄~若有所思咁諗野~

究竟澄點解會咁?!次次做左一d奇怪ga事就會唔舒服~唔通哩d就係代價?!

峰 : 究竟你係邊到黎嫁?!

待續...........

2008-7-26 10:44 AM `[嘉敏~'][
澄輕皺眉頭~彷彿一個被責罵ga小朋友~

峰即刻畫低皺住眉頭ga澄~

唔知點解峰好鍾意畫澄~係因為澄ga表情多多,定係...............

峰諗起澄係公園o個一幕~佢又開始畫啦~

峰放返好d畫~之後就出左去煮晚飯~

澄訓左1,2個鐘倒~就起左身啦~

澄諗返起o岩o岩發生ga事~

出到去~檯上面放左兩碟送~

澄望住廚房~發現峰係入面煮緊送~

峰好專心咁煮送~

澄望住峰~望到呆左~

峰(囉住最後一碟送) : e~你起身啦~重有冇唔舒服呀?!

澄(醒) : 哈哈~冇啦~訓左一覺好好多啦~

峰 : 咁食飯啦~

澄睇d送ga賣相都唔差~不過唔知食唔食得~

峰 : 放心喎~食唔死人嫁喎~

澄 : 哈哈~我唔係咁ga意思~

今日ga峰並冇再玩澄~

澄 : 你學過煮野食嫁?!幾好食呀~

峰 : 一個人住唔識咪會餓死~

澄 : 咁又係~不過你唔係一路都有人服侍ga咩?!

峰 : 你小心d講野呀~我係有人服侍起居飲食~

澄 : 咩呀~我一路都係話起居飲食喎~唔係有咩呀?!o下?!唔通............

峰 : 食飯啦~

食完之後~

峰即刻開始收碗~因為澄............

澄 : 等我黎~等我黎~

峰 : 你~同我放低d碗碟~

澄 : 唔得~今晚餐飯已經係你煮嫁啦~點可以又係你呢?!~

峰 : 即刻去沖涼~

澄 : nonono~

峰 : 而家唔沖等陣冇得沖~

澄 : 知啦~ : p

澄沖得好小心~因為唔小心會好痛~

澄出黎ga時候峰已經囉定d衫等沖涼~

而峰沖涼ga時候~澄就係到睇電視~

到左10:00pm~

峰熄左電影~拉住澄入佢間房~

澄 : 做咩事呀?!

峰 : 去到你咪知囉~

入佢間房?!會唔會好危險嫁~

澄拉住張梳化~

峰 : 喂~你好放手啦喎~

澄 : 唔得呀~你要拉我入去做咩呀?!

峰(用力) : 行啦~

峰(關門) : 坐啦~

澄 : o下?!坐邊呀?!

峰 : 床呀~

床?!

澄 : 唔使啦~我企係到得啦~

峰一步一步咁行近澄~

峰 : 唔使驚喎~又唔係第一次~

o下?!咩唔係第一次?!

澄一步一步後退~坐左係峰張床到~

峰 : 你唔好亂旭呀~等陣痛唔關我事~

咩痛呀?!澄又繼續退後~

峰 : 放心啦~唔會好痛ga~我會就住你~

o下?!死啦死啦~佢唔會...........

澄退到床ga一角~攬住件被~

究竟佢做咩呀~

峰囉走澄攬住件被~

澄即刻大叫左一聲~

峰 : 做咩事呀?!

澄(合上眼) : 你唔好行埋黎呀~

你唔好行埋黎?!............哦~哈哈~我知道啦~

峰(笑) : 傻妹~你以為我要做咩呀?!

澄(張開眼) : o下?!

澄(尷尬) : 冇野呀~冇野呀~

峰(貼近澄) : 冇野~你唔係想咩?!估唔到你原來係一個色女黎ga~

澄(面紅) : 咩呀咩呀~係你講得唔清唔楚~咩第一次~

峰 : 唔係第一次幫你包紮傷口~

澄 : 咁又唔好亂旭?!

峰 : 叫你唔好亂旭~等陣整到個傷口又係到痛啦~

澄 : 咁又咩放心~

峰 : 我以為你驚痛~所以我會就住你~

澄聽到面又紅左一大截~即刻dum低頭~

峰(係澄耳邊) : 你想ga話~我又唔介意~

澄即刻扮伸懶腰~推開峰~

澄 : 呀~好眼訓呀~

之後即刻落床~

呯~

澄(蹲低) : si.........嘩~

原來澄急住落床一腳就撞到個櫃~

峰(望到澄蹲低係到捉住隻腳) : 咩事呀~

澄 : 哈哈~冇事~

峰抱起澄~將佢放低係床到~

峰 : 腫左~

澄 : 做咩呀?!唔使我自己黎~

峰望左澄一眼~好似叫佢唔好嘈咁~之後就輕按澄ga腳~眼入面只有溫柔同婉惜~

澄望住峰好專心ga樣~

峰 : 得啦~手已經包紮好啦~

澄聽到就醒一醒~

澄 : 哦哦~唔該~我走先啦~唔阻你~

之後就入左自己間房~

藍澄呀藍澄~你幾時變得咁色嫁?!一直係到望住人~唔可以咁呀~

澄攬住帶去ga一隻公仔~

不知不覺就訓左啦~

峰本來入房睇下澄訓左未~

點知比佢見到一個有趣ga畫面~

一個可愛ga大公仔攬住一個得意ga小公仔~

峰即刻囉紙同筆畫低去~

不過~究竟係大公仔得意d呀~定細公仔得意d呢?!

峰唔知道~不過佢比較鍾意大個個公仔~

待續............

2008-7-26 10:49 AM `[嘉敏~'][
第2日ga中午~

峰叫左澄出去~

澄 : 我地去邊呀?!

峰 : 去睇戲~

澄 : 好呀好呀~好耐都冇去睇過啦~之前成日去睇呀~不過之後就冇啦~小凝又唔得閒~重色輕友~拍拖係咁ga咩?!

峰 : 你未試過ga咩?!

澄面又開始紅啦~

澄 : 咩呀~...............

峰望住澄~

澄 : .............未試過又點呀?!

澄好唔好意思~>///<

峰估唔到澄原來係未拍過拖~原因係~澄唔似係一d小人追ga女仔~

峰而家ga樣令澄覺得十分之唔好意思~好似笑緊佢咁~

澄(>////<) : 好啦好啦~你笑完未呀~而家好出奇咩?!

峰(輕笑) : 真係幾出奇~

澄(>////<) : 係嫁啦~點夠你多呀~由哩到排到大西洋啦~

峰(笑) : 做咩呀~呷醋呀?!

澄(細細聲) : 傻左呀你~而家似係我地側邊d女仔呷醋多d喎~

點解咁講?!

峰實在係一朵好令人吸引ga花~各式各樣ga蝴蝶見到都想撲埋去~而澄就係峰ga隔離~所以........

峰 : 睇咩戲呀?!不如睇恐怖片呀~

峰想睇下澄嚇到花容失色~拉住佢ga可愛樣~

澄 : ..........雖然我唔驚~但都係睇動畫好d~你睇下d公仔幾得意~見到都想攬住佢地呀~

峰 : 小姐~你幾多歲呀?!睇卡通片?!

澄 : 咩呀~哩d唔係卡通片~係動畫~都唔知幾有教育意義~

峰 : 佢講ga野離離去去唔係又係o個d?!睇恐怖片~

澄冇反應~

峰 : 喂~你唔出聲ga~

澄 : o下?!o下?!唔係呀~我o岩o岩好似見到一個朋友................

峰 : 唔好理啦~睇咩呀~

鈴~鈴~鈴~

澄 : 喂~

凝 : 喂~呀澄呀!~你係到做咩呀?!

澄 : 我同大少爺係到睇緊睇咩戲好呀~你有咩提議呀?!

凝 : 有呀~o個套講隻野獸鍾意左個女仔~好好睇~好感人~你實睇到喊~

澄 : 好呀好呀~好似幾好睇咁呀~呀~重有呀~我好似見到小鶯~唔知係咪佢~

凝 : 嘩~你咁好彩ga~好耐冇見過佢啦~

澄 : 但............o個個人好似同o個個衰人一齊~

凝 : .............我等陣打比佢問下啦~

澄 : 唔~好啦~最好就唔好係佢~

凝 : 好啦~唔阻住你同大少爺睇戲啦~byebye~

澄(笑) : byebye~

峰 : 咩衰人呀~

澄 : 冇野~

峰 : 唔.............睇咩呀~

澄 : 睇o個個美女與野獸~

峰 : 唔~好啦~

數個小時之後~

澄雙眼紅晒咁出返黎~

峰係出黎之前見到澄不斷用手抹乾眼淚...........早知就聽佢講睇卡通片~呀~唔係~係動畫啦~

鈴~鈴~鈴~

又係澄o個個新淨但舊式ga電話響~

澄(小小沙啞) : 喂~

凝 : 喂~呀澄~係咪睇完啦~好唔好睇呢?!

澄 : 你計定時間嫁?!

凝 : 哈哈~係呀~

澄 : ................

凝 : 冇野呀你~

澄 : 冇~我都係收線先啦~

凝 : 好啦~你遲d打比我呀~記住呀~

澄 : 唔~

澄又沉醉左係悲傷ga心情入面~

峰唔敢出聲~佢驚澄聽到佢出聲~佢會喊~

過左半個鐘之後~

澄 : 唉~好可憐呀~

峰終於可以鬆一口氣啦~

峰 : 唔~

澄 : 如果佢可以同佢一齊就好啦~

峰 : 但一個係人~一個係野獸~

澄 : 所以咪如果囉~不過佢真係好為o個個女仔~就算冇左條命~我相信佢都會保護個女仔~個女仔係佢身邊會好安全~

峰 : 唔~

澄 : 見到佢為左個女仔成身都有傷痕~好慘呀................>.<

峰 : 不過我相信佢知道個女仔會幸福~都會走得好安樂ga~

澄估唔到峰會講d咁ga說話~好感慨~

峰(唔好意思) : 做咩呀~

澄(笑) : 冇呀~

鈴~鈴~鈴~

澄 : 喂~

珮 : 喂~唔該搵蘋果呀~

澄一聽到哩句就知道係邊個啦~

澄 : 唔好意思~哩到冇蘋果呀~你有冇打錯呢?!

珮 : 冇呀~哩到唔係xxxx xxxx咩~哩個電話係蘋果嫁喎~你係咪搶左佢個電話呀?!

澄(笑) : 哈哈~唔玩啦~士多啤梨~好耐冇見啦喎~

珮 : 哈哈~係呀~而家有一個機會比我地見嫁~你想見我就一定要去啦~

澄 : 咩事呀~難道係你結婚~

珮 : 哈哈~我都想~係我地班諗住攪個聚會~你一定要去呀~好多人都想再見到你呀~

澄 : o下?!你好掛住我都唔使咁講嫁~

珮 : 唔係呀~講真嫁喎~你知啦~你幾受人歡迎~年中有不小男仔務名而來~

澄 : 唔好係到玩啦~真係識講笑~

珮 : 你就話唔係囉~但事實係人都知啦~

澄 : ............你係咪o岩o岩訓醒~

珮 : 唔得呀~你一定要去呀~唔係攪唔成呀~

澄 : 喂~喂~sorry~收得唔係好清楚~你問我去唔去呀~等我一陣呀~

澄 : 我去唔去得呀?!

峰 : 你想唔想去呀?!

澄 : 冇咩所謂~不過幾想去~

峰 : 去囉~

澄(笑) : 多謝~

澄 : 去囉~

珮 : 好野~咁xx號係xxxxx~

澄 : o下?!咁快ga~

珮 : 係呀~打鐵趁熱呀嘛~

澄 : okok~

珮 : 咁唔阻住你啦~byebye!~

澄 : byebye~

澄發現峰唔係自己ga身邊~而係企左係到睇電話~

澄企左係到等峰~因為佢唔想接近賣手提電話ga店舖~

峰見到澄即刻拉住澄~

待續.........

2008-7-26 10:53 AM `[嘉敏~'][
事實上~澄係對買電話有陰影~

澄覺得峰要帶佢去賣手提電話ga地方~所以佢拉住商場入面ga一條柱~

澄 : 做咩呀?!我唔去呀~

峰用力拉住澄~

好奇怪~雖然知道峰真係好大力拉住澄~但係澄唔知點解唔覺得痛~可能峰識得就力掛?!

好無奈~無論澄用盡全力拉住條柱~佢都係比峰拉左入去~

峰o禁低澄要佢坐~因為澄旭身旭世要走~

峰 : 坐定定~

澄唔好意思~因為間舖d人都好似聽到~澄唯有坐係到啦~

峰 : 唔該比部x100i我睇下~

呵~呵~間舖頭ga所有女店員都撲晒過黎~

z : 好呀~請等等~

z應該係比較o個個~所以其他店員都唔夠膽同佢爭~

z情心款款咁望住峰~比左個電話佢~

澄冇眼睇~望左去第2到~

峰 : 睇下個電話~

澄望到個電話~係佢最鍾意o個款~

白色機身~摺機~又有得影相~

真係好好好好好呀~

點解凌冷峰會知道ga?!

澄對眼變左兩個心形~

峰望住澄個樣~佢要記清楚佢咁可愛ga樣~返到屋企畫低佢~

峰 : 就哩部啦~加埋上台幾多錢呀?!

z : $3800呀~

澄聽到即刻放低電話 : 走啦走啦~

峰拉住澄 : 碌卡呀~

澄 : 唔使啦~我比~

澄唔鍾意欠人地~人地差佢野就得~佢差人地野就唔得~

峰唔比佢比~比即刻囉左張卡出黎~

澄 : 唔好傻啦~

澄唔想又比峰囉哩個第1次~

峰 : 我唔會比女人出錢嫁~

z : 請係哩個位簽名呀~

澄 : 唔好意思呀~我地..........

都未講完~峰已經簽完名~走得啦~

峰 : 代住個電話啦~

澄 : 咁........咁............(>////<)多謝啦~不如我請你食飯啦~

峰有冇可能會比澄請食飯呀?!of cause no啦~

峰 : 點解你唔入去ga?!

澄 : 我呀~對買電話有陰影呀~

峰 : 即係咩?!

澄 : 我記得我16歲先買o個部電話~o個時又冇錢喎~咁就買部便宜ga~之後買左返屋企咪要差電ga~點知佢差唔到電~冇論我黠樣差都差唔到~咁就囉左去換啦喎~第2部係就係差到電呀~但成日都接觸不良~差好耐先得~咁咪又去換過第2部啦~今次終於差到啦~但係聽到人講野ga時候有好大ga回音~咁又去換啦~換到我真係好激氣.........之後再去換........佢話已經冇晒存貨~要我等........我已經對買電話冇晒信心啦~

澄唉左一聲~望返峰~

峰佢............係到忍笑..........

澄 : 想笑你就笑啦~

峰終於笑啦~

澄 : 哎呀~

澄比一個肥大嬸撞到差d跌左落地~好彩峰扶一扶~

肥大嬸冇事~但佢d橙跌晒落地下~

澄(幫手) : 對唔住呀~唔好意思呀~

嬸 : 你行路唔帶眼嫁~我d橙呀~冇啦冇啦~

澄 : 對唔住呀~

嬸 : 你哩個人冇d家教~真係有爺生冇呀媽教ga~

冇家教?!有爺生冇呀媽教?!

澄雙眼變得黯淡冇光~不斷係到諗o個兩句~佢對唔住爸爸媽媽~佢爸爸媽媽唔係到重要因為佢而比人.............

嬸 : 做咩唔出聲呀~知道自己理虧啦咩?!

峰 : 大嬸~係你自己撞到人先嫁~惡人先告狀~

峰拉住澄走~

澄又變返好似前o個幾日咁............

峰唔知點做好呀~只係望住澄~

澄發現峰望住佢~

澄(笑得好開心) : 你做咩望住我呀?!唔係我太靚呀嘛~

峰心好唔舒服呀~佢知道澄ga笑係扮出黎~但係佢笑得好似好真~睇黎佢已經習慣掩飾啦~而且澄唔鍾意人地話佢靚~佢一定係好大打擊............

待續.............

2008-7-26 10:56 AM `[嘉敏~'][
澄漫無目的咁四圍行~峰只係陪住佢~冇出聲~

人流漸漸由小轉變成多~

澄行到一間賣小白兔ga店舖~企左係到~望住d小兔兔~

澄 : 我細個o個時成日都好想養小兔嫁~當我同媽媽講ga時候~佢就會話屋企已經有一隻好可愛ga小兔啦~我會問佢係邊到係邊到~媽媽就會話你咪就係媽媽o個隻最乖最可愛ga小兔囉~

澄講完之後苦笑~

峰沈默左一陣 : 你知唔知有d動物一出世或者出世冇幾耐~佢ga媽媽就會拋低佢,唔再理佢~哩d小動物就要自力更生~自己搵食物~自己搵地方住~好多時候又要躲避其他動物ga追捕~你話哩d動物係咪好可憐呀?!

澄 : 唔....唔~

如果真係ga話........咁哩d小動物就真係比佢可憐~佢媽媽最小都有陪伴佢好多年~

e~佢講哩d野~係咪想話比我知~其實我唔係最可憐o個個?!

澄望住峰~

峰(笑) : 做咩呀?!你唔係.............鍾意我呀?!

澄(面紅) : 你傻嫁~唔好發夢啦~快d起身啦~

峰笑~佢好似冇咩事啦喎~

澄 : 而家幾點呀?!

峰(睇錶) : 7點~

澄 : 好肚餓呀~去食野囉~我請你食呀~

澄帶左峰去左一間大排擋~

澄 : 你知啦~我冇咩錢嫁咋~所以唔請得你太貴呀~放心啦~哩到我黎過嫁~幾好食嫁~我地食火鍋囉~

伙計 : 靚女~食咩呀?!e~靚仔~好耐冇黎啦喎~

峰 : 唔得閒~

澄好奇怪呀~峰竟然黎過哩到?!重諗住峰唔會黎哩d地方tim~

峰好似知道澄諗咩咁~

峰 : 我之前黎過哩到食~

澄(笑) : 估唔到你哩d少爺仔都會黎哩d到方食野喎~

伙計 : 今次一齊黎ga~...........哦~明解~

峰偷笑~

澄(唔明) : o下?!你明咩呀?!我唔明喎~咩明解呀?!

峰阻止澄出聲~開始叫野食~

澄望住d食物係個煲入面慢慢煮熟~唔知點解~好興奮~對眼又出現兩個心心啦~

峰覺得澄真係好可愛~佢一定要記住佢咁可愛ga樣~然後.................

食到七七八八ga時候~

峰 : 我去一去toilet~

澄 : ok~

哩個時候ga澄已經停左手~係到諗要比幾多呢?!

另一檯一個男子坐係到留意左澄好耐~搵緊一個好ga時機去"結識" "結識"下澄~

男子行左過澄隔離~坐左係到~

男 : 你好可愛呀~有冇時間同我去街街呀?!

澄聽到有d驚~但佢冇反應~只係坐過去另一張凳~

男 : 做咩呀?!你好驚我呀?!放心喎~我...........(笑)唔會食左你嫁喎~

澄又坐過左一張凳~

凌冷峰呀~你幾時出黎呀?!

待續............

2008-7-26 10:57 AM `[嘉敏~'][
好不幸地~澄所希望ga事並冇實現到~

男(笑) : 你唔出聲~我當你肯嫁啦~

男講完之後即刻拉住澄走~

哩個時候~峰終於出黎啦~

佢見到澄比一個男人拉住~

峰有一種莫名其妙ga怒火蘊釀中~

佢搶返澄然後將佢收係自己ga後面~

男子回頭一望~

見唔到澄~只係見到眼神冰冷ga峰~

峰ga眼神令到男子覺得呼吸困難~

峰緊緊咁捉住澄微震ga手~

澄覺得峰好似安慰緊佢~叫佢唔使怕~

澄亦都因為峰而安心~

峰拉住澄去比錢~不過無論係行緊路,定係比緊錢~佢一直都係望住該男子~

男子係峰比錢ga同時突然好似逃命咁走左去~

峰將澄拖到門口就放手啦~

放手之後~空虛感,寂寞向二人侵襲~

奇怪ga感覺一直係空氣中蔓延...............

係因為佢嗎?!

...............................

峰 : 下次遇到d咁ga事要嗌呀~

澄 : 哦...........不過你好耐呀~如果我有咩事咁點呀?!

峰 : 小姐~哩d有得急ga咩?!

澄(大笑) : 咁又係~呀............死啦~

峰 : 做咩呀?!唔見左野呀?!

澄 : 唔係呀~又要你破費啦~明明話係我請嫁嘛.............

峰偷偷地笑~

澄 : 好啦~下次我一定要請你~

峰 : 好呀~

有機會先算啦~

。•。•。•。•。•。•。•。•。•。•。•。•

四周都黑漆漆~只有峰一間房發出耀眼ga光芒~

澄哩個時候已經訓得好舒服~而峰則係到努力工作中~

檯上面有多張畫紙~畫紙上面又有可愛ga人~

最底ga係擔憂ga澄~興奮ga澄~不斷抹眼淚ga澄~哀傷ga澄~期待ga澄~木無表情ga澄~而最面ga呢?!

.........................係比峰拖住ga澄~

待續............

2008-7-26 11:01 AM `[嘉敏~'][
澄 : 哩個早餐係為左多謝你ga~你睇下~我落多一倍野嫁~

峰 : 1倍呀~真係好多喎~多1隻蛋同一塊火腿~

澄 : 我特登煮比你食嫁~唔食就比我食啦~

峰 : 唔得喎~你唔好食咁多呀~會肥嫁~

澄 : p~

電話發出收到ms ga聲音~

澄跑左入房~囉左部手機出黎~

唔?!咩事呢~做咩send段咁ga信息黎?!


好對唔住呀~真係好對唔住呀~
我冇聽你地講...........
我抵死.............
你地唔好好似我咁~
錯左先識後悔~
p.s : 要自己照顧自己~唔好咁傷心~

睇下邊個send黎~原來係小鶯~

............咩事呢?!一定係發生左d咩唔好ga事..........澄不斷係到諗~

峰見到澄面色大變~

峰 : 咩事呀?!

澄冇出聲~只係比左部手機佢睇~

澄突然企左起身~

唔通係...............

澄囉返部電話~打比小凝~

澄 : 喂~小凝~你收唔收到呀?!

凝 : 收到呀~你估係咪?!

澄 : o禁日我見到d野應該係真嫁~

凝(緊張) : 咁點呀?!

澄 : 而家即刻去佢屋企~

凝 : 好啦~唔講啦~

澄 : ok~

講完之後澄即刻入房換衫~

峰只係知道有d野發生左~其他咩都唔知~

澄換完衫出黎之後好似變左第2個人~

原本可愛ga面孔變得十分平靜~眼神由柔和變得冷漠,而且帶有輕微ga忿怒~

澄 : 可唔可以車我去xxxxxxxxxxx?!

峰 : ok~

開住車ga峰一直都有留意澄~澄好似冇咩反應~係咪平靜過頭呢?!哩個真係澄黎ga咩?!

澄一路坐車一路係到諗等陣會發生ga事~

鈴~鈴~鈴~

澄 : 喂~

澄ga聲線變得低沈~冷酷~

凝 : 你到左未~

澄 : 就到~你係樓下大門等一等我~

凝 : 唔~

。•。•。•。•。•。•。•。•。•。

俊 : 點呀~澄黎未呀?!

凝 : 未~

俊(捉住小凝隻手) : 放心啦~冇事ga~

凝 : 唔................

小凝擔心小鶯之後~亦都好擔心澄.............

哩個時候澄同峰出現~

凝睇到澄好似變左第2個人~佢好擔心呀~

凝(拉住澄) : 你黎啦~

澄 : 唔~上去~

上到去小鶯屋企~

門根本就冇鎖~只係半掩~

同時間~屋入面傳黎打破野ga聲.............

澄即刻入去~

見到小鶯執起地上面ga碎片~

小鶯隻手因為執起碎片而開始流血...........

澄 : 你同我放低d玻璃~

小鶯滿面淚水~不斷搖頭~

澄搶左鶯手上面ga玻璃~

澄 : 鶯~你係咪重要錯落去呀?!

峰同俊都覺得澄真係好似變左第2個人~好似好冷酷~唔似之前ga澄~

澄 : 凝~你同鶯入房先~幫佢止血~

凝聽到即刻拉左鶯入房~並且囉左d急救用品~

峰同俊都唔知道澄想做咩~

澄入左廚房囉左掃把掃左d碎片~之後將所有鋒利ga利器收起~

係澄執完野ga同時~凝走左出黎~

凝 : 澄~我止唔到血呀~

澄即刻入左房~囉住塊紗布o禁住鶯ga傷口~

過左數分鐘後~傷口開始停止流血~

鶯(捉住澄) : 對唔住呀~對唔住呀~

澄 : 我有冇同你講過唔好再見佢呀?!

鶯冇出聲~哭泣~

澄(強硬) : 答我呀~

鶯 : 有~

澄 : 我諗我由一開始已經講左唔止100次比你聽~叫你唔好見佢~佢唔係好人~

鶯 : 對唔住.................

澄(冷笑) : 原來我講咁多次~你都只不過當我係耳邊風~咁唔該你由一開始就同我講~你唔洗理我~你ga事唔關我事~

鶯 : 唔係.....唔係.....對唔住..........

澄 : 講比我聽件事係點ga~

鶯 : o禁日.........朝早......佢打比我~叫我出去......我本身都係話唔出嫁.......但佢話佢唔開心~咁我就出左去陪佢..........之後佢叫我上佢.......屋企...........陪佢打機................我諗住佢咁......唔開心~所以..................

澄 : 佢話唔開心你就要信ga~你真係好蠢呀~

鶯 : .............對唔住呀~

澄(冷笑) : 原來一直以黎我都只不過係一個陌生人~份量連一個識得唔夠1個月ga人都不如~哈.....哈

鶯 : 對唔住呀~好對唔住呀~

澄(冷笑) : 你有對唔住我咩?!冇呀~我同你只不過係不相熟ga人~哩d事唔關我事~不過其實你有冇覺得對唔住你媽媽?!爸爸~小凝呀?!你知唔知如果佢地知道d咁ga事會有幾傷心呀?!你真係一個自我中心ga人~

鶯 : 對唔住呀~唔好咁啦~你原諒我啦~

澄 : o個個人重係咪係o個到做野?!

鶯 : 唔................

澄 : 我唔該你自己好好反省下~

澄講完之後就走左啦~

峰,俊,凝都同澄一齊走~

澄一直行~行得好快~佢唔想見到其他人~

俊見到澄走~想追住佢~

凝+峰 : 由佢啦~唔好追佢~

凝望住峰~佢覺得峰雖然唔係同澄識左好耐~但佢真係知道澄點諗~或者佢可以做佢一直想做,但做唔到ga事~

峰 : 我有野想問你~

凝知道佢想問關於澄ga野~凝亦都好樂意話比佢知~

凝 : 好呀~我地去搵個地方慢慢傾~

搵到一個食甜品ga地方~佢地叫左d飲品~

凝 : 係我答你所有問題之前~你可唔可以答我一個問題~我想睇下你係咪一個適合ga人選~

待續................

頁: [1] 2 3


Powered by Discuz! Archiver 5.0.0  © 2001-2006 Comsenz Inc.