我既真人鬼故事~By 細Ming~ - 靈異鬼故

細ming (阿爾托柒敢死隊)

普通會員

UID 41741
積分 491
經驗 161
YK幣 285
帖子 312
精華 0
註冊 2011-3-27
用戶註冊天數 4784
用戶失蹤天數 4652
來自〝我來自江湖〞
性別男生
狀態離線

#1

正常字體

發表於 2011-4-19 02:00 PM 資料文集短消息

我既真人鬼故事~By 細Ming~

等我講一次見鬼經歷先
個次有十五個人(12男3女)(全部都係中學同班同學)(因為玩所以無視第日要返學)

幾年前某一個晚上(確實日期真係唔記得)...
我同班FD係葵青區某一條邨吹緊水......
咁個陣無聊起講到鬼故~
講到慶起就有一提出話去行〝飛蛾山〞
個陣大約都10點幾....(基本上第日都唔會返學

)
我地走左去答車...個陣我地一上車都笑左出黎
因為我地答個架係小巴...座位係十六座....
我地十五人一齊上....岩岩好有一個乘客~座爆哂~~
我地係架車個時既話題都係未轉~仲係鬼故~傾到落車
到個陣我地係近西貢個邊山腳....沿住車行既路上...
因為個陣都唔會太多車(唔好以為真係咁多夜人上去做咩呀

)
一開始行嗰陣...已經有一陣寒風吹過黎~(當然因為高處既關係)
我地行開頭既時候....因為亂諗野...怕會有非法入境者...
所以我同幾個男既都手拎住D係山邊汁既硬物..以防萬一.....
差唔多到中段既時候...有一條分叉路....
一條路向上山....一條路向下方一個類似廢左既童軍營(因為太黑..得一支電筒..唔敢肯定)
咁當時我地就決定幾個男既落去(當然有拎武器係手...有D似探險

)
我地行落去沿路睇都無咩野...點知落到去就見到一堆流浪狗...
當時我地大家既反應都一樣...我地唔出手先等於會俾攻擊先...
所以我地選擇一齊向前拎住武器亂打...個D狗真係走左....
但同一時間就係....留係上面既朋友就大叫.....
我地係下面聽到朋友大叫緊係跑返上去啦...
點知發現又係狗....(點解個陣咁多狗..真係唔明...沿路落去都無見過)
好彩有個算係大隻既朋友醒目....見到一塊就斷既路牌(可能之前有車禍發生而導致)
就整斷左向狗堆亂揮...到我地跑到上去...岩岩好跑走哂.....
個陣我地緊係問D狗係邊個黎架啦....佢就話...
係我沿路上黎個條路....個陣我同幾個有份既都嚇左一跳...心諗唔係掛....(你地明我講咩架啦...)
我地呆左一陣...回完氣定完神...又開始上山....
中段既位好多都可以望返落D市區屋邨咁啦....
咁我緊係唔放過呢個機會啦...跑第一個....跑跑下....
望到上山條路...有個白影.....再望清楚到..我見到係個男人....
到我轉個頭同班FD講有人係前面...佢地既答覆係見唔到....
咁我就當自己眼花啦....
繼續上山....基本上我地因為有3個女係到...所以速度好慢....
到差唔多上到山頂已經4點....你地諗下...我地11點幾上山...(5個鐘喇...)
上頂又大冒..又大風...突然...係中段見到既男人就係前面....
佢望向我地呢邊....衝向我一個朋友到....當時我朋友即刻嚇到面青口唇白....
其他人見到佢突然變成咁...就問佢咩事...原來其他人見唔到....
得我同我個朋友....個陣個心亂左陣係到諗...
諗左一陣發覺左一樣野...我同我朋友都係姓林....又住係同一條邨.....
其他人又咩都睇唔到....咁我已經心知中左招.....
大家都等到個位朋友無咩事...緊係即刻落山啦....
因為係行車路...我地都靠邊行....
突然有個朋友行行下飛左出山邊...好彩個山邊有個位岩岩好踏住....
我地衝上前拉返佢返上黎......
佢就講左句令我地要更快落山既說話....
『無啦啦行行下感覺俾人推』
大家反應一樣...行得有咁快得咁快...但我地體力有限..因為行左好幾個鐘....
沿路落去個陣已經見到d 公公婆婆開始行山晨運...
我地到山逹既時間係差唔多六點.....
我地無哂體力...只好走去附近一間7-11....買野食...
我地邊食邊等巴士..各自歸家...個陣大家都已經唔想再提山上既事...
完全靜哂...但都係個陣發現....
竟然就係因為山上件事已誕生左兩對情侶

呢樣唔講喇....
到我返到屋企...我同我媽講撞野....
之後過左一排...跟左佢返大陸探親....(福建D鄉村地方)
有個阿婆走過黎同我媽講.....
有隻鬼跟住我
而嗰個阿婆係唔識架....
事後就俾人又潑米又潑水...當左我係鬼咁玩左一輪