MelodyHi
(某琛.ChinG`)
高級會員
UID 3722
積分 3534
經驗 817
YK幣 2994
帖子 1547
精華
0
註冊 2007-7-19
用戶註冊天數 6158
用戶失蹤天數 1965
性別 女仔
狀態 離線
|
|
|
|
夜半鬼搭(車立)
夜半鬼搭(車立)
前年結識一班麻雀友，咁0岩有一個住0係我屋企附近。因為佢0個年要準備會考，佢屋企人就好闊綽咁租0左一層樓俾佢住，方便佢溫書，咁樣反而變成我0地0既私竇。四個麻雀友成日一齊0係佢屋企聚賭。
不過自從發生0左單恐佈事件之後，我就唔敢再去佢屋企玩囉！
件事發生0係上年11月，我同兩個雀友一齊去佢屋企打牌，因為第二日係我老竇0既生日，所以我答應老竇無論「溫書」溫到幾夜都一定返屋企，第二朝一早陪佢飲茶。
我0地打牌打到好夜，因為我個位對正門口，我見到門罅好似有條黑影企0左0係度，我就即刻細聲同屋主講：「喂，有人0係門口呀，係咪你屋企人突擊0黎check你呀？」
大家即時停低，屋主即刻問：「邊個？」
沒有應，屋主走去門孔「裝」一「裝」，同我0地講：「冇人喎！」
我0地當時根本冇諗過係0的0羊0野，就繼續打牌，點知我開始聽到有人講0野0既聲音。講咩0野就唔係聽得好清楚。屋主坐近門口位，我問佢：「喂，真係有人『裝』我0地喎！似乎唔只一個，係咪你屋企人0黎晒呀？我聽到佢0地0係門口講0野呀！」
點知佢0地三個都話聽唔到聲，我0個時仍然好鈍，冇諗住有0野。不過0個晚我輸0左成五舊水，成個禮拜飯錢都輸埋，睇0下個鐘已經係半夜2點。我話唔打要走，佢0地三個勸我留低，不過我堅持要走，我0個兩個朋友就話：「我0地0係度過夜，你走就自己走先。」
我咪冇等佢0地，一個人落樓囉。
我入0左(車立)，部(車立)好奇怪，居然層層停。
落到七樓，門一打開，見到有三個「人」企0左0係(車立)口度，我即刻腳軟，唔敢望佢0地下半身，因為根本睇唔到！0個三個「人」似乎想入(車立)，佢0地望0左我一眼，我即刻合埋眼，一邊唸經，一邊腳震。
唔知過0左幾耐，我開眼一望，見到部(車立)唔知幾時已經落到地下，佢0地都唔見0左，我仍然好驚，腳軟到差0的要爬返出去。你0地話喇，我仲敢唔敢再去0個度呀!?
|
|
歡迎各位訪客註冊成為會員！成為會員後可享用本論壇的各種服務，登入後將會隱藏頁面上方的廣告。
